NOS SELEKSHON NASHONAL TA KLA PA ENFRENTÁ ANTIGUA & BARBUDA

MAŇAN 23 DI MART NA ANTIGUA & BARBUDA!

Tur kos ta kla pa nos selekshon nashonal enfrentá e selekshon di Antigua & Barbuda, djasabra 23 di mart pa 6’or di atardi den Sir Vivian Richards Stadium aya na Antigua & Barbuda. Esaki durante nos delaster partido di e promé buèlta di Nations League organisá pa CONCACAF.

Djamars último nos selekshon a biaha pa Antigua pa asina kuminsá ku e trainingnan komo preparashon pa e kompromiso aki. Nos selekshon ta tin algun seshon di training ku a kana hopi bon, e hungadónan ta hopi motivá i bon prepará. Pues práktikamente tur kos ta kla pa mañan nos topa kara kara ku Antigua & Barbuda.

E siguiente hungadónan a keda selekshoná pa forma parti di nos selekshon ku lo mira akshon durante nos último enkuentro di e promé buèlta di Nations League;

1. Eloy Room (PSV)
2. Shanon ‘Cheese’Carmelia (Ijsselmeervogels)
3. Elson ‘Sontje’ Hooi (Ado Denhaag)
4. Leandro Bacuna (Cardiff)
5. Michaël Maria (Fc Twente)
6. Rhu-Endly ‘Cuco’ Martina (Feyenoord)
7. Reangelo Janga (Astana)
8. Ayrton Statie (Fc Lienden)
9. Gevaro Nepomuceno (Oldham Athletic)
10. Darryl Lachman (PEC Zwolle)
11. Jarchino Antonia (Omonia Nicosia)
12. Shermaine Martina (MVV)
13. Shermar Martina (MVV)
14. Jafar Arias (FC Emmen)
15. Jimbertson Vapor (Scherpenheuvel)
16. Rowendy Sumter (Scherpenheuvel)
17. Jarzinho Pieter (Vesta)
18. Ruensly Leuteria (Jong Holland)
19. Brandley Kuwas (Heracles)
20. Jurich Carolina (Fc Den Bosch)
21. Jeremy de Nooijer (FK Suduva)
22. Maiky Fecunda (Helmond Sport)
23. Gervane Kastaneer (NAC)

Lamentabelmente Charlison Benschop i Quentin Jacoba lo no forma parti di e selekshon e biaha aki i Jafar Arias (FC Emmen) ku Maiky Fecunda (Helmond Sport) a remplasá nan.

Por sigui e partido aki via ‘live stream’ riba e ‘website’ di CONCACAF ku un kosto di $1.99 òf bishitá nos página di Facebook; nosta12 pa keda na altura di tur kos ku ta pasando ku nos selekshon nashonal.

Ainda nos tin algun shal di nos selekshon na balor di fl.25,- optenibel na FFK bou di ora di ofisina. Den luna di aprel nos ta spera e kolekshon nobo di suèter di nos selekshon nashonal ku ta Nike original aki na Kòrsou. Awor aki por kumpra ‘online’ via di http://www.voetbalshop.nl.