KOMUNIKADO DI KUERPO POLISIAL KÒRSOU Detenshon pa intento di ladronisia i destrukshon.

KOMUNIKADO DI KUERPO POLISIAL KÒRSOU

122 / 2019

23 mart 2019

Detenshon pa intento di ladronisia i destrukshon.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Djasabra 23 di mart 2019, alrededor di 02.18 or di mardugá, Sentral di Polis a dirigí un
unidat di Montagne na un tereno ku kònteiner ariba, den área di Van Engelenweg pa
ladronisia. Na yegada di e unidat, nan a topa ku un hòmber ku na momentu ku e la mira e unidat polisial a kuminsa kore pa bai for di riba e tereno. Polis a logra para e hòmber aki i a hasi un investigashon riba e tereno i nan a konstatá ku kandal di dos kònteiner tabata kibrá. Relashoná ku esaki alrededor di 02.30 or, a detené e hòmber sospechoso N.F.F. nasé na Kòrsou, di 39 aña di edat, pa intento di ladronisia i destrukshon.
A presentá e sospechoso dilanti di un Fiskal Ouksiliar ku a ordená su enkarselamentu,
pendiente di mas investigashon.