AQUALECTRA TA ADAPTÁ SU ORARIO DI SERVISIO KOMO KONSEKUENSIA DI MAL TEMPU NA KÒRSOU

AQUALECTRA TA ADAPTÁ SU ORARIO DI SERVISIO KOMO KONSEKUENSIA DI MAL TEMPU NA KÒRSOU

Willemstad 28 di yüni 2022- Aqualectra lo adaptá su orario di servisio komo konsekuensia di e tormenta ku ta aserká Kòrsou. Riba djárason 29 di yüni Aqualectra su Sentro di Servisio na kliente ta sera 12or di mèrdia. Djaweps Aqualectra lo ta disponibel pa duna servisio na kliente atrobe asina ku outoridatnan duna pèrmit pa Aqualectra bolbe habri e Sentro di Servisio.

Konsultá Aqualectra su página di Facebook ‘Aqualectra Utility’ pa keda na altura di posibel medidanan di prekoushon ku por tuma i tambe e último desaroyonan den kuadro di suministro di awa i koriente na Kòrsou. Por mèldu eventualidat relashoná ku suministro òf ekiponan di Aqualectra dor di manda un mensahe via Aqualectra su ‘Facebook Messenger’. Yama 0800-0135 solamente den kaso di emergensia. Tene na kuenta ku e liñanan lo ta mas okupá ku normal.

Aqualectra ke pidi un i tur pa tuma tur prekoushon nesesario pa asina nos por pasa dor di e tormenta aki na un manera ‘safe’ i responsabel. Kuida i protehá bo mes, bo famia i esnan rondó di bo.