Advertisements

KOMUNIKADO DI KUERPO POLISIAL KÒRSOU Aksidente di tráfiko ku morto. (Potret)

KOMUNIKADO DI KUERPO POLISIAL KÒRSOU

123 / 2019

24 mart 2019

Aksidente di tráfiko ku morto.

Departamentu di Komunikashon i Prevenshon

KUERPO POLISIAL KÒRSOU

SIRBI I PROTEHÁ
Djasabra 23 di mart 2019, alrededor di 19.50’or, Sentral di Polis a dirigí algun unidat pa Sta Rosaweg pa un aksidente di tráfiko, kaminda tin algun persona gravemente herida. Na yegada di e promé unidat, el a bin topa un vehíkulo bastante destruí i un dama benta
abou riba kaya. Den e vehíkulo tabatin tres otro okupante. For di investigashon ku polis a realisá na e sitio, a sali na kla ku shofùr di e vehíkulo aki tabata kore riba Sta Rosaweg den direkshon di Schottegatweg-Oost ku un velosidat bastante haltu.
Na altura di Suikertuintjeweg e lo mester a pèrdè kontrol riba su stür, baha for di kaminda na man drechi i bai dal kontra di un muraya. Despues di e impakto aki e vehíkulo a zuai i saka e okupante ku tabata sinta patras di e shofùr, i bent’e riba kaya.
Debí na e múltiple leshonnan ku víktima a sufri, el a bin fayesé na e sitio. Dòkter di polis un ratu despues a konstatá morto di Clavienna Rebecca Isidora, nase na Kòrsou dia 31 di desèmber 1993. E tres otro okupantenan ku a risibí heridanan di ménos gravedat, a keda transportá pa poliklínika pa tratamentu médiko.
Investigashon den e kaso aki ta kontinuá.

FB_IMG_1553458973461

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: