Etienne Rosario: Jong Holland ta bin bon prepará

Posted by

Etienne Rosario: Jong Holland ta bin bon prepará

Brievengat—Segun presidente di Jong Holland, no mester tin prekupashon riba e kondishon di nan ekipo. Rosario a konfirmá na prensa lokal ku Jong Holland ta yega e Pre Kampeonato di Champions League di Karibe den un bon kondishon.

E aktual kampeon di Kòrsou, entre 5 pa 15 di aprel próksimo mester kompetí huntu ku 12 otro ekipo kampeon di islanan karibense den e torneo “Concacaf Caribbean Club Shield”.

Durante un rueda di prensa djaluna último, prensa lokal a mustra nan prekupashon riba e kondishon di Jong Holland, ku no ta prestando na nivel den e kampeonato lokal.

Segun Rosario, na momento e torneo yega, nan lo ta den e kondishon nesesario. Entretantu ya a bira ofishal ku Jong Holland a buska dos refuerso. Ta trata di 2 mediokampista, pa asina duna e ekipo mas ‘forsa’ i sigur yuda pa duna mihó bataya, speshal pa e torneo.

Un ta un hulandes oropeo, Siebren Hoekstra di 23 aña di edat, miéntras ku e otro ta un kolombiano, Alejandro Cardona Gomez, di 28 aña di edat.

E aña aki Curacaose Rooms Katholieke Vereninging Jong Holland, ta kumpli 100 aña. Un hecho remarkabel pa selebrá, segun Rosario. Den e kuadro ei, Concacaf a ofresé pa Jong Holland i FFK organisá e kampionato di ekipo di Karibe aki Kòrsou.

Segun Rosario, ta un chèns úniko ku nos aki na Kòrsou ta ser brinda. Un chèns úniko pa nos bai mira futbòl na alto nivel i asina koperá ku futbòl, deporte i pais, segun Rosario.

Advertisements

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.