Grupo di Karnaval di Aña Hats off to Dreams ta yama danki pa e sosten den su debut

Posted by

Grupo di Karnaval di Aña Hats off to Dreams ta yama danki pa e sosten den su debut

WILLEMSTAD — Djasabra dia 23 di mart 2019, Grupo Hats off to Dreams, konosí tambe komo HOTD, a organisá un happy hour pa miembronan, boluntarionan, sponsernan i tur otro persona ku a sostené e grupo por a bini huntu. Grupo HOTD i tur persona i instansia ku a aportá di un of otro manera, por wak bèk riba un debut sumamente eksitoso ku a surpasá ekspektativa i ku a resultá den un total di 7 premio di Fundashon JAG.

E premionan ku Grupo Hats off to Dreams a bai kas kuné den su promé aña ta:

Grupo di aña, Grupo mas impaktante, Grupo Fantasia General, Mihó Akabá, Mihó Diseñadó, Mihó Roadpiece, Mihó Bar. Durante un anochi ameno na sede di HOTD, Grupo HOTD a kompartí e premionan aki ku tur presente i hiba un palabra di danki i elogio na tur ku a kontribuí nan granito pa e periodo di Karnaval por ta unu eksitóso. E direktiva di HOTD a duna atenshon spesial na algun miembro i boluntario ku a destaká i ku a dediká nan mes na logra ku por tabatin un produkto final ekstraordinario.  

Tambe Grupo HOTD a estrená su ‘after-movie’ pa tur miembro por disfrutá di e imagennan di Grupo HOTD su promé kareda den kayanan di Kòrsou pa Gran Marcha. Riba website di HOTD ku ta www.hotd.co por wak e ‘aftermovie’ di Karnaval 2019.

Djadumingu mainta Grupo HOTD a akudí na misa di Santa Maria pa un Santu Sakrifisio di misa pa yama Dios Todopoderoso tambe danki pa e kreatividat i eksito ku Dios a bendishoná e grupo ku ne.

Grupo HOTD kier hasi uso di e oportunidat aki tambe pa yama komunidat di Kòrsou kompletu un danki di kurason pa e akseptashon i motivashon pa sigui engrandesé Karnaval di Kòrsou den añanan benidero. E reakshonnan ta un enkurashamentu pa kontinuá.

Un danki tambe na Fundashon JAG pa e trabou di a organisá un tremendo Karnaval 2019 i Asosiashon Gruponan di Karnaval Kòrsou i tur grupo di Karnaval eksistente pa a sostené Grupo HOTD den su promé aña.

Pronto Grupo HOTD lo kuminsá ku preparashon pa 50 edishon di Karnaval den 2020!

PHOTO-2019-03-08-09-27-59

 

PHOTO-2019-03-08-17-34-31

 

PHOTO-2019-03-24-17-40-05 2

 

PHOTO-2019-03-24-17-40-05

Advertisements

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.