REFINERIA ISLA SO POR DISIDI KU KEN E TA SERA UN DIL PA KOMPRA I BENTA DI KRUDO MIENTRAS E TA NOS OPERADO DI REFINERIA

REFINERIA ISLA SO POR DISIDI KU KEN E TA SERA UN DIL PA KOMPRA I BENTA DI KRUDO MIENTRAS E TA NOS OPERADO DI REFINERIA

Willemstad 28 di mart 2019- Durante di e último dianan a trata na krea e impreshon den medionan di komunikashon komo sifuera Refineria di Kòrsou (Rdk) i Gobièrnu no a  tuma oferta di un kompania ku kier a sera un “tolling deal” (oferta di kompra i benta di krudo pa un refineria refiná) pa rafiná krudo den nos refineria na serio i ku no a aktuá diligente riba e aserkamentu aki.  Esaki no ta kuadra ku bèrdat. RdK komo doño di e instalashonnan di nos refineria ta hasiendo lo máksimo pa na promé lugá yega na un partner stratégiko pa modernisá, manehá i operá nos refineria ora e aktual kòntrakt ku PDVSA terminá na fin di 2019.  Na mes momentu RdK ta hasiendo todo por todo pa wak kon mas por yuda e aktual operadó Refineria Isla pa reanudá ku e proseso di refinamentu no opstante e retonan ku e ta konfrontá, debi na e difikultatnan ku Venezuela i PDVSA ta konfrontando.

Den realidat ta e aktual operadó so, ku ta Refineria Isla, por sera un akuerdo ku terser pa suministro di krudo i despacho di produkto. E tipo di dilnan aki ta bai kontra pago pa e servisio di prosesamentu, e asina yama “tolling deal.” RdK lo no mete ku e tipo di negosiashonnan aki. Sinembargo, RdK lo pasa e proposishonnan di “tolling” ku drenta rápidamente pa Refineria Isla sperando ku entre e proposishonnan aki talbes tin unu ku Refineria Isla por yega na un akuerdo kuné afin ku di e forma ei tambe e refineria por drenta bèk den operashon.  Te ainda esaki no tabata e kaso.

Di otro banda Refineria di Kòrsou, semper ta evaluá tur kompania ku presentá, ku si e kompania ta deseá di partisipá den e proseso ku lo mester konkluí den un partner stratégiko pa despues di 2019.  RdK a hasi esaki tambe den e kaso spesífiko ku a keda publiká.

 

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: