Arma airsoft prohibí riba BES

Arma airsoft prohibí riba BES

Rònt mundu ta usa arma airsoft pa hòbi i deporte. E armanan (mira e foto nan den mail) ta hopi paresido na armanan real. Pa motibu ku nan por sirbi komo arma pa menasa, nan ta kai bou di Lei di Arma BES (Vuurwapenwet BES), i pues prohibí riba Boneiru, Sint Eustatius i Saba. Esei ta lógiko pa motibu ku un víktima por sinti su mes menasa pa un arma asina, un víktima no por distinguí un arma real for di un arma airsoft.

Tene kuenta ku ora importá òf tin den bo poseshon un arma airsoft bo ta den violashon i pues kastigabel. Riba violashon di Vuurwapenwet BES tin un kastigu di prison. Ta surgi pues un problema pa esnan ku ke usa un arma airsoft pa deporte òf hòbi.

Na otro kaminda, por ehèmpel na Kòrsou, tin regla spesial pa esnan ku ta usa un arma airsoft pa deporte òf hòbi. Regla spesial stipulá dor di gobièrnu. Na e momentu ei ta akseptá e poseshon di un arma airsoft, pero bou di kondishonnan hopi spesífiko. Kondishonnan pa pèrkurá ku e arma ta ser usa solamente pa ehekushon di e deporte. Ta pa e motibu ei so por usa e arma airsoft den e kasonan ei. Tin palabrashonnan traha ku e organisashonnan di deporte di airsoft.

Tipo di konstrukshonnan akseptabel ta solamente posibel na e islanan i pais na unda tin organisashonnan rekonosé di deporte i na unda ta usa e armanan airsoft. Tin palabrashonnan konkreto ku nan pa loke ta trata e uso.

Riba islanan BES no tin organisashonnan deportivo konosí i ofisial na unda ta traha ku e armanan aki. No tin motibu pues pa bin ku palabrashonnan di uso. Esnan ku ta hasi e deporte aki riba BES ta pues hasiendo esaki sin un organisashon su tras. Ta nifiká ku e armanan airsoft aki por drenta fásilmente den e sirkuito ilegal, ku tur riesgo ku esaki ta trese kuné. Pensa riba e uso di e armanan aki den atrako arma. Mirando esaki a disidí ku Gezaghebbernan di BES lo no duna pèrmit pa arma airsoft.

Regularmente Duana riba islanan BES ta konfiská armanan airsoft, intenshoná pa uso bou di esnan ku gusta esaki. Tantu importashon komo poseshon di arma airsoft den tur sentido general ta prohibí riba islanan BES. Aktua robes ta nifiká ku ta konfiská esaki. Pa motibu ku ta artíkulo prohibí, no ta duna esaki nan bek. Entrante 1 di yanüari 2017 ta kore riesgo ku ta pèrdè e arma airsoft i ta kore riesgo riba un kastigu.

E maneho aki ta solamente dirigí riba arma airsoft, i por kambia si den futuro lanta un òf mas organisashon di e deporte aki. Aparte di airsoft, ta nifiká ku poseshon di tur opheto paresido na un arma di kandela ta prohibí i kastigabel. E ta kastigabel konforme Vuurwapenwet BES.

openbare-mini-sint-maarten.jpg

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: