MINISTER CHARLES COOPER A REPRESENTÁ PROMÉ MINISTER NA E SELEBRASHON DI 72 ANIVERSARO I DIA DI TRAHADONAN DI KUERPO POLISIAL DI KÒRSOU.

MINISTER CHARLES COOPER A REPRESENTÁ PROMÉ MINISTER
NA E SELEBRASHON DI 72 ANIVERSARO I DIA DI TRAHADONAN
DI KUERPO POLISIAL DI KÒRSOU.

Willemstad – Minister di Tráfiko, Transporte i Planifikashon Urbano Charles Cooper a representá Promé Minister/Minister di Hustisia Gilmar Pisas na e selebrashon di 72 aniversario i “Dia di Trahadonan di Kuerpo Polisial” na House of Worship dia 1 di òktober 2021.

Kuerpo Polisial di Kòrsou a selebrá nan dia i 72 aniversario kuminsando ku un mainta di alabansa sigui pa palabranan di motivashon di parti di Pastor Raimy Juliet.

Durante di e selebrashon aki Minister Cjarles Cooper a risibí for di man di e Tim di Maneho di Kuerpo Polisial Kòrsou nan vishon i mishon de forma di un plakat.
Pronto lo pasa na tur Warda di Polis pa entregá e vishon i mishon aki pa asina den tur parti di e organisashon tur hende ta bai biba esakinan, pa Kuerpo Polisial por drenta i kuminsá un era nobo.

Promé Minister mes no por tabata presente na e selebrashon aki, debí ku e mester tabata na un reunion Públiko di Parlamento pa trata e “Ontwerplandsverordening tot wijziging van de Landsverordening Rampenbestrijding en de Onteigeningsverordening”.

E mainta tabata unu yená ku un ambiente di inspirashon pa kada un di esnan ku tabata presente.

Riba un di e potrètnan por mira ora ku Promé Minister a risibí despues e plakat ku ta deskribí e vishon i mishon di Kuerpo Polisial Kòrsou.