E SORTEO PA E SEGUNDO BUÈLTA DI NATIONS LEAGUE A TUMA LUGÁ I E GRUPONAN TA KONOSÍ!

E SORTEO PA E SEGUNDO BUÈLTA DI NATIONS LEAGUE A TUMA LUGÁ I E GRUPONAN TA KONOSÍ!

 

Dia 27 di mart, e sorteo pa e segundo buèlta di Nations League a tuma lugá den e teater Chelsea na Las Vegas, Nevada. Manera ya ta konosí, nos selekshon a klasifiká pa e segundo buèlta di Nations League (Liga A) i durante e sorteo e diferente gruponan ku lo kompetí a bira konosí.

E 41 paisnan a keda repartí den Liga A, B ku C. Kada liga a wòrdu partí den 4 grupo (A, B, C ku D) ku ta konsistí di 3 òf 4 pais. Nos a klasifiká pa Liga A i nos a kai den grupo D.

 

E siguiente ekiponan ta den e 4 gruponan di Liga A;

Grupo A: Merka, Canada ku Cuba

Grupo B: Mexico, Panama ku Bermuda

Grupo C: Honduras, Trinidad & Tobago ku Martinique

Grupo D: Costa Rica, Haiti ku Kòrsou

 

For di adelantá Kòrsou a keda repartí den pòt 3 huntu ku Bermuda, Cuba ku Martinique.

Esaki abase di e kategoria di kada pais promé ku e inisio di Nations League. Awor ku e sorteo a tuma lugá i nos grupo ta konosí, nos lo mester enfrentá e paisnan den nos grupo (D) kaminda e kampionnan di kada grupo lo sigui pa e parti final.

Nos lo hunga 4 partido (afó ku na kas) i nan lo tuma lugá durante e kalendario di FIFA den luna di sèptèmber, òktober ku novèmber 2019 miéntras e gran final lo ta den luna di mart 2020.

Den transkurso di dianan CONCACAF lo anunsiá e skema di wega ku e tereno i e orarionan.

Nos selekshon tambe ta pendiente di e sorteo pa Gold Cup 2019 ku lo tuma lugá dia 10 di aprel próksimo na Los Angeles, Merka.

Gold Cup 2019 lo tuma lugá den luna di yüni te yüli 2019 na Merka den diferente stadion, na Costa Rica i tambe na un pais den Karibe ku no a wòrdu anunsiá ainda. Lo tin un total di 16 pais den kontienda pa e torneo aki ku lo mester hunga algun partido pa klasifiká pa e parti final.

Nos selekshon tin kompromisonan sumamente importante na kaminda i nos hungadónan ta konta ku bo, komo e di 12 hungadó, pa sigui apoyá i sostené nan!

Keda pendiente pa mas informashon…

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: