ANGELA CROES DEN UN KONSIERTO ORGANISA PA UNIVERSIDAT DI ARUBA I TELEFON PA HUBENTUT RIBA FREEWINDS NA ARUBA
ANGELA CROES DEN UN KONSIERTO ORGANISA PA UNIVERSIDAT DI ARUBA I TELEFON PA HUBENTUT RIBA FREEWINDS NA ARUBA
ORANJESTAD — Cuidadano un y tur! Nos ta yama na nos comunidad pa yuda nos muchanan. Riba April 13, Universidad di Aruba y Telefon pa Hubentud hunto cu Freewinds ta presenta Angela Croes den concierto pa un evento special, organisa pa e projecto nobo “Best Dad Ever!” di Telefon pa Hubentud.
“Best Dad Ever!” ta un projecto cu ta concentra riba creando y mehorando e conexion entre tata y yiu. Ta mustra cu mas y mas tin un distancia entre tata y yiu den añanan recien y Telefon pa Hubentud ta reportando cu e number 1 rason cu muchanan ta duna pa yama ta problema na cas of problema cu mayor. Dus esaki ta un problema cu ta realmente affecta nos hubentud. Pesey anos como comunidad mester hasi locual nos por pa yuda nos yiunan, nos futuro.
Hunto cu Telefon pa Hubentud y Freewinds, ta 4 studiante di Universidad di Aruba cu ta organisando e evento aki pa comunidad.
E evento lo ta un concierto riba e boto di Freewinds, dus no lubida ID!
Duranto e evento lo tambe tin un rifa cu varios prijs cu lo saca diferente ganador!
E ticket lo inclui 1 bebida y un snackbox.
E anochi aki lo ta algo special. Un anochi pa contribui na comunidad y pasa bon!
Trece famia, trece amigo y trece un sonrisa na nos muchanan, nos futuro.
Athunto e poster di e concierto aki.
