Willemstad 4 aprel 2019 “Charla Promé i despues di Entiero”
Direktiva Sentro di Bario Montaña
Willemstad 4 aprel 2019
“Charla Promé i despues di Entiero”
El Consolador i SB Montaña ta organisá un charla
“Morto a kai, mi ta para kla enfrentá e realidat ?”
Willemstad- Direktiva di Sentro di Bario Montaña ta organisá den kuadro di su siklo di charla “Nos ta konsiente di nos último momentu”
E charla lo trata tópikonan interesante na momentu ku morto kai, i kiko awor. Nos invitadonan di El Consolador lo elaborá riba tur aspekto ku tin di haber ku entiero promé i despues.
E charla ta djaweps awor 4 aprel 2019 pa 6’or pa 8o’or anochi na SB Montaña, Stakamahachiweg z/n dilanti santa di Montaña. Entrada ta Grátis.
Di e forma aki Sentro di Bario Montaña ta kere di duna kontenido real na balor di sa kon nos tur mester ta prepará pa e momentu aki i kiko bo tin ku hasi ora e toka na nos porta.
Un boka bisa otro.
Pa kualke informashon, pregunta tuma kontakto ku Sentro di Bario Montaña na telefon 767-1600 entre 8’or pa 12’or òf atardi 2’or pa 8’or anochi.