Desaroyo di nos Ekonomia tin nos atenshon Kombersashon ku outoridatnan di Mexico pa sondea posibilidat pa nos Refineria

Desaroyo di nos Ekonomia tin nos atenshon

 

Kombersashon ku outoridatnan di Mexico pa sondea posibilidat pa nos Refineria

 

Durante nos bishita na Mexico pa reunion di Parlatino nos komo parlamentario ku sigur tin nos pais na kurason a buska kontaktonan pa estrechá lasonan pa nos pais. Mirando e preokupashon ku nos  tin pa loke ta operashon di nos refineria nos a buska kontaktonan ku outirdatnan Mexicano pa sondea posibilidatnan ku tin pa kontinuashon di operashon di nos refineria. Nos a reuní ku sr Alberto Uribe ku ta Direktor di Sekretariado di Relashon Eksterior i tambe Sra Alejandra del Carmen León Gastélum ku ta Senador di Mexico kual ta esun ku a pone nos den kontakto ku e direktor di Sekretariado di Relashon Eksterior. 

Den kombersashon sigur loke a bini dilanti ta e potensial ku Kòrsou tin i kual huntu ku Mexico por traha na desaroyá esaki. Un di e puntonan mas importante ku a ser atendé durante di e reunion ta e posibilidat di Early Step in esta si Kòrsou por dispone di krudo pa rafiná prosedente di Mexico.

E direktor a palabrá ku pa otro siman lo e atendé esaki ku departamentu di Energia i ku nan lo tuma kontakto ku Kòrsou. Nos di nos turno a sòru di informá RdK di e posibilidatnan i tambe krea e kontakto pa asina tur dos partido por kombersa pa yega na un posibel koperashon. Nos a interkambiá basta i Mexico a mustra su disponibildat pa kombersá riba posiilidatnan ku ta eksisiti prinsipalmente partisipashon di Mexico riba un base mas largu. Na final di e reunion a duna e direktor di Relashonan Eksterior tur informashon i kontaktonan di Refineria di Kòrsou(RdK) pa sigui ku futuro komunikashon. Nos di nos banda a informá gerensia di RdK di e posibilidatnan pa asina tur dos partido por kombersa pa yega na un posibel koperashon.

E kombersashon ku e Direktor tabata posibel danki na e relashon ku atraves di Parlatino nos a krea ku e senadornan di entre otro Mexico.

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: