Grupo Rítmiko Sablika ta invitá pueblo di Kòrsou

Grupo Rítmiko Sablika ta invitá pueblo di Kòrsou

Den kuadro di selebrashon di 10 aña di Grupo Rítmiko Sablika den farándula di Kòrsou, nan kier a invitá hinter nan fanatikonan i pueblo di Kòrsou pa bin kuminsá selebrá ku nan.

E fecha mes ta den ougùstùs, pero ya kaba nan kier kuminsá selebrá i asina gradisí Ser Supremo i tur ku di un òf otro manera a bin ta sostené e grupo aki. Ku pa 10 aña largu pasando den tur tipo di prueba a sa di huntu  ku nan Lider Shurendi Pieternella pa tene kabes na haltu i keda deleitá e pueblo di Kòrsou ku nan músika, talento i karisma.

Pa kuminsá e selebrashon dia 14 aprel próksimo den Club Union Boneriano, Sablika i su Amigunan ta bai entren’é e pueblo di Kòrsou manera nan so por hasié. E grupo di Amigunan a krese i lo bai tei, Grupo Kompèr, Grupo Orírí huntu ku Kantadó Mayó, Sharrel Denisia, Den Chikí, Hóben na Timon, Grupo Rítmiko Brasa bo Seú i dimes Grupo Rítmiko SABLIKA.

For di 12’or lo tin un kushina i bar bon surti, pues bini ku bo famia i asina selebrá ku nos te ku 11’or di anochi.

Miembronan di Prensa tambe ta keda kordialmente invitá pa asina selebrá ku nos i kompartí ku boso Semper a sostené Grupo Rítmiko Sablika.

“Danki pa warda riba SABLIKA”

 

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: