Trabounan di remodelashon di Prinses Margriet School ta avansando satisfaktoriamente!

Trabounan di remodelashon di Prinses Margriet School ta avansando satisfaktoriamente!

WILLEMSTAD – Despues di un periodo di preparashon intensivo, kaminda Reda Sosial pa medio di un destaho riba 15 oktober 2018 a skohe BWC B.V. pa hasi e trabou di rekonstrukshon di Prinses Margrietschool, trabounan a kuminsá riba 9 yanüari 2019. 

Trabounan di maneho i kòntròl ta den man di Modus 10 B.V.

E trabounan ta konsistí di mantenshon grandi na tur dos komplehonan di e skol, kaminda ta remplasá e dak i su konstrukshon, pone plafònt nobo i moderno, remplaso di tur bentana i porta, konstrukshon di dos lokalidat èkstra, pone vlur nobo, pone sèt di toilèt nobo pa mucha muhé i hòmber, fèrf e skol den kolónan suave i adaptashon di e instalashonnan elektrotékniko. Alabes ta sera e kurá di e skol di un forma seif i sigur den kuadro di Seguridat na skolnan. 

Gabinete Rhuggenaath i Minister di Enseñansa, Siensia, Kultura i Deporte sra. Marilyn Alcalá-Wallé ta sigui duna atenshon na krea un ambiente agradabel i sigur na nos skolnan na Kòrsou.

Riba e imagennan por haña un bista di e avansenan na e skol menshoná.