DEKRETO PA APUNTA UN  HUNTA ATMINISTRATIVO AD-HOC PA PDVSA NO TA AFEKTA E RELASHON ENTRE REFINERIA DI KORSOU I REFINERIA ISLA

Posted by

DEKRETO PA APUNTA UN  HUNTA ATMINISTRATIVO AD-HOC PA PDVSA NO TA AFEKTA E RELASHON ENTRE REFINERIA DI KORSOU I REFINERIA ISLA

Willemstad 10 di aprel 2019 –  Refineria di Kòrsou (RdK) a tuma nota di dekreto di Asamblea Nashonal di Republica Bolivariana de Venezuela (PDVSA) di 5 di aprel último den kua e asamblea ta apuntá un Hunta Atministrativo ad-hoc pa Petroleos de Venezuela (PDVSA.)  RdK ke aklará ku e desishon di Asamblea Nacional no ta afektá e relashon komersial ku tin entre RdK i Refineria Isla Curaçao BV. RdK ta respetá e akuerdo ku tin ku Refineria Isla i lo sigui hasi tur esfuerso,den koperashon ku Refineria Isla, pa wak kon por abilitá e kompania pa e por pone i mantené e refineria den operashon.

RdK na e momentu aki ta konsentrá tur esfuerso pa fasilitá i asina pone nos refineria bèk den operashon mas pronto ku ta posibel.  Sentral den esaki ta ku ta garantisá trabou pa tur esnan ku ta dependé di e refineria pa nan entrada. RdK tin vários trayekto ta kana pa perkurá ku e refineria tin perspektiva i ta sigui operá te na fin di 2019, ora ku e aktual akuerdo ku Refineria Isla terminá.

Bal bolbe enfatisá si ku ta Refineria Isla, ku ta esun ku ta manehá i operá nos refineria, ta esun ku  finalmente ta responsabel pa tantu su relashon komersial komo kumplimentu ku su akuerdonan laboral. RdK den esaki por i ta yuda mas tantu ku ta posibel, pa salbaguardiá kuponan di trabou,  pero ku ta Refineria Isla ta karga e responsabilidat final pa bon operashon di e refineria bou di e kòntrakt aktual te ora ku e kòntrakt terminá na fin di 2019.

Na mes momentu ta sigui, segun planifikashon, ku e proseso pa buska un partner pa manehá i operá nos refineria despues di 2019.  Na e momentu aki e Program Management Organization (PMO) di RdK ta hiba kòmbersashonnan ku e promé grupo di kompanianan ku a mustra interes den nos refineria.  

E kuadro ku PMO di RdK  tin, awor ku un mandato mas amplio, a krea interes nobo serka potensial partidonan.  

PMO a bin ta kumpli ku un “roadmap” kla deliñá pa yega na e partido ku ta adekuá pa, huntu nos, krea un futuro duradero pa nos refineria.

Refineria-Isla

Advertisements

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.