PAR: Lei pa un, lei pa tur.
Na: Minister di Finansas
Sr. K. Gijsbertha
Pietermaai 4-4A
Presente
Kòrsou, 10 aprel 2019
Tópiko: Wega di plaka ilegal ta un peliger pa nos komunidat i lei pa un lei pa tur.
Apresiabel minister Gijsbertha,
Lei pa un, lei pa tur, pa loke ta trata wega di plaka ilegal. Wega di plaka ilegal ta un peliger inminente pa nos komunidat. No solamente tin konsekuensia pa adikshon na wega di plaka, pero tambe ta hòrta e konsumidó di oportunidatnan pa gana, esta estafá nos pueblo. Ta ku demasiado frekuensia organisashonnan ta organisá loterianan, sin tin e pèrmit nesesario, pero tambe sin kumpli ku e kriterionan básiko.
Frakshon di PAR ta preokupá pa ku e desaroyo aki, mirando ku ta diferente organisashon, asta polítiko ku sin pidi e pèrmit ta organisá loterianan ku e fin pa gana sèn. I den mayoria kaso brindando oportunidatnan mínimo pa e siudadano por gana e premio.
Resientemente Gaming Control Board komo instituto responsabel pa ehersé kontròl riba e sektor di wega di plaka a denunsia ku tin posibel organisashonnan ku lo ta bende lòt di forma ilegal. Pero tambe nan ta indiká ku nan no tin e hèrmèntnan hurídiko pa hasi ehekushon. Frakshon di PAR ta haña importante ku ta mantené un liña pa loke ta trata e forma den kual ta atendé ku ilegalidat den wega di plaka. Esaki pa garantisá seguridat di nos siudadanonan, pero tambe keda implementá e prinsipionan di igualdat i hustisia.
Den kuadro di esaki frakshon di PAR tin algun pregunta:
- Minister ta na altura ku tin organisashonnan (polítiko) ku ta organisá weganan di loteria sin e pèrmitnan nesesario?
- Ken ta responsabel pa kontrolá i den kaso nan nesesario persiguí organisashonnan ku ta faya ku e lei i areglonan di wega di plaka?
- Kua ta e kastigunan ku por imponé riba organisashonnan ku no kumplí ku e lei ‘Loterijverordening 1909’?
- Minister por indiká Parlamento e status di e konsepto di lei ‘ Landsverordening Eenvormig Toezicht op Kansspelen’?
Atentamente,
Ana Maria Pauletta
Miembro di Parlamento Partido Alternativa Real
