Fons Simon a topa Marlon Picus den wega amistoso di ahedres Banco di Caribe orguyoso di por patrosiná Carifta Junior Chess Championships 2019

Posted by

Fons Simon a topa Marlon Picus den wega amistoso di ahedres

Banco di Caribe orguyoso di por patrosiná Carifta Junior Chess Championships 2019

WILLEMSTAD:  “Banco di Caribe i e deporte di Ahedres tin mas ku 6 aña ta kana huntu; nos tin un laso di koperashon kontinuo ku akademia di ahedres di Kòrsou (CCA) na unda muchanan ta haña lès di ahedres na sentro di bario. Pues, patrosiná Carifta Junior Chess Championships ta bin di mes i no ta algu nobo pa nos. ”, esaki di akuerdo ku sr. Fons Simon, CEO i General Managing Director di Banco di Caribe ku djamars mèrdia a enfrentá sr. Marlon Picus, miembro di direktiva di FEDAKO den un wega amistoso di ahedres.  Durante di e bishita, sr. Dito de Kort , managing director di  Banco di Caribe tambe a ekspresá su orguyo di mira progreso den e deporte.  “Ainda mi ta kòrda e torneonan chikitu na sentro di bario ku CCA tabata organisá i ku for di e tempu ei kaba Banco di Caribe tabata orguyoso di patrosiná.  Awe tin 185 ahedresista ku lo partisipá den Carifta Junior Chess Championships, di kual 55 ta lokal. Esaki ta un logro grandi pa Kòrsou!”

Tokante Banco di Caribe i Curaçao Chess Academy

Na aña 2013 Banco di Caribe a kuminsá un laso di koperashon ku CCA pa duna inisio na un proyekto na unda ta duna lès di ahedres. Na inisio di e proyekto ‘Lès di Ahedres’ a stipulá algun meta pa e akademia, i den korto tempu por a tuma nota ku e grupo di studiante a krese i e interes pa e wega tambe. Esei mes a hasi ku na 2016, CCA a tene un torneo ku a resultá mashá eksitoso. Awor na 2019, Banco di Caribe ta orguyoso di por patrosiná Curaçao Chess Federation pa realisashon di Carifta Junior Chess Championships ku lo tuma lugá dia 18 pa 23 di aprel próksimo na Hilton Hotel Curaçao.

Tokante Carifta Junior Chess Championships

E di 8 edishon di Carifta Junior Chess Championship por konta ku partisipashon di  ahedresista for di Antigua & Barbuda, Aruba, Bahamas, Barbados, Bermuda, Guyana, Jamaica, Surnam, Trinidad & Tobago, US Virgin Islands i Kòrsou. Un total di kasi 185 hóben te ku 20 aña ta bai kompetí den diferente kategoria di edat kontra di otro. Ta trata di 130 ahedresista dje 10 islanan bishitante i 55 hungadó di Kòrsou.

Banco di Caribe ta masha orguyoso di por kompañá Curaçao Chess Federation riba e trayekto pa Carifta Junior Chess Championships. Ta invitá un i tur pa bishitá e página di Facebook di Banco di Caribe i tuma nota di e diferente videonan ku a produsí pa kompañá Curaçao Chess Federation i duna sosten na e hungadónan di Kòrsou. Banco di Caribe ta deseá tur hungadó hopi éksito.

###

Riba fotonan athunto, un impreshon di e momentu ku sr. Fons Simon i sr. Dito de Kort di Banco di Caribe

a topa sr. Marlon Picus di FEDAKO i sr. Jimmy Izijk, Chief Organizer di Carifta Junior Chess Championships.

Advertisements

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.