ATROBE AUTORIDADNAN A CONFISCA CANTIDAD GRANDI DI CASH NA AIRPORT

ATROBE AUTORIDADNAN A CONFISCA CANTIDAD GRANDI DI CASH NA AIRPORT

Riba diabierna 12 di april ultimo tabatin un pasahero na Aeropuerto Internacional Reina Beatrix cu tabata viahando desde Suriname pa Miami.
Autoridadnan a bin na ripara caba cu e persona aki tabata viaha frecuentemente entre Suriname y Merca cu cantidadnan hopi grandi di cash.
Diabierna ultimo e pasahero tabatin 827.000 Euro cu ne (1.6 miyon Florin).

Relaciona cu un peticion hudicial desde Hulanda, Afpakteam di Aruba a tuma e placa den beslag, conhuntamente cu (entre otro) Grenspolitie di Aruba.

Tur e placa cu a wordo tuma den beslag ta cay pa e Fondo di Combatimento di Criminalidad (Criminaliteitsbestrijdingsfonds) di Aruba.
Placa for di e Fondo di Combatimento di Criminalidad ta wordo usa pa bringa criminalidad na Aruba.
E placa cu Afpakteam ta haya ta cay directamente na favor di Aruba.
Afpakteam kier aporta na e lucha contra criminalidad na un forma visible.

Afpakteam ta un cooperacion entre Ministerio Publico, Cuerpo Policial di Aruba, Aduana, Fiot (Fiscale inlichtingen- en opsporingsteam) di DIMP (Departamento di Impuesto), FIOD (Fiscale Inlichtingen- en Opsporingsdienst), KMar (Koninklijke Marechaussee), Kustwacht Steunpunt Aruba, Meldpunt (Meldpunt Ongebruikelijke Transacties) y RST (Recherche Samenwerkingsteam).

Crimen no por rindi!
Afpakteam por wordo acerca cu señalnan cu un persona lo por tin fondo criminal via mail: afpakteam@kparuba.com of via tiplijn: 11141.

Foto’s: e Euronan confisca pa Afpakteam diabierna pasa.

 

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: