Parlamentario Curtley Obispo: segun leinan di Pais Kòrsou, kontribuyentenan tin ku deklará belasting kompleto, korekto i paga belasting na tempu!.

Posted by

Segun leinan di Pais Kòrsou, kontribuyentenan tin ku deklará belasting kompleto, korekto i paga belasting na tempu!.

Segun parlamentario Curtley Obispo for di 10 òktober 2010, nos fundadornan ku vishon a establesé un órden finansiero. A base di nos Areglo di Estado di Kòrsou (nos lei máksimo) a establesé normanan finansiero. Entradanan di belasting di tur kontribuyentenan mester finansiá strukturalmente gastunan kolektivo di Pais Kòrsou. No mag di fia pa gastunan kolektivo di Pais Kòrsou. Artíkulo 84 ta indiká bon kla, ku ta fiha belasting i otro rekargonan mediante lei. Artíkulo 85 insiso 2, tambe ta indiká bon kla ku Pais Kòrsou mester kubri gastunan kolektivo di un aña presupuestario kompletamente ku entradanan struktural fiha dor di entre otro belasting, rekargonan i tambe servisionan. Kontribuyentenan tin e deber di kumpli strukturalmente i na tempu ku nan kontribushon di belasting, pa asina: (1) evitá ku Pais Kòrsou tin défisit riba su kuenta koriente; i (2) evitá ku no por kumpli ku pago di gastunan kolektivo den un aña presupuestario. Di otro banda tambe henter e aparato fiskal a base di leinan fiskal tin e deber i e responsabilidat di sòru ku tur kontribuyentenan ta deklará nan belasting kompleto, korekto i ta paga na tempu nan kontribushon di belasting. Entradanan di belasting kolektivo ta un motor importante, e mas o ménos 86% di entradanan di Pais Kòrsou.

Si kontribuyentenan di belasting no kontribuí “at all”, no deklará kompletu, korekto i no kontribuí na tempu ku Pais Kòrsou, e realidat ta ku no por disponé di sufisiente fondonan pa paga na tempu e gastunan kolektivo. Gastunan kolektivo di: (1) eks empleado publiko di penshun, vut, “aov overbrugging” i “duurtetoeslag”, (2) empleadonan publiko i personal di órganonan di estado, (3) material/servisio di e henter aparato publiko i órganonan di estado kual tei pa sirbi i protehá henter nos komunidat, (4) supsidionan na enseñansa, fundashonnan, institutonan i organisashonnan (5) seguridat sosial manera onderstant i di SVB kual ta e seguro básiko, lei di labizjan i penshun di behes), (6) interes di fiansa.

Pa parlamentario Curtley Obispo esaki ta e realidat a base di nos normanan finansiero di Areglo di Estado di Kòrsou i nos leinan fiskal. P’esei, Kòrsou ta konta ku nos tur su deklarashon di belasting kompleto/korekto. Kòrsou ta konta ku nos tur su kontribushon di belasting na tempu!. Kòrsou ta konta ku nos tur su kontribushon di belasting na tempu pa asina finansiá gastunan kolektivo na bienestar i progreso di Pais Kòrsou!

Potret 2019 parlamentario Curtley Obispo

Advertisements

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.