Deklarashon publiko: Hotel Otrobanda ta kuminsá un prosedura di daño kontra di Gaming Control Board

Dia 9 di aprel ultimo tabata presis 28 aña ku sr. Frank Eustatia a habri Hotel Otrobanda. Sr. Eustatia a traha duru huntu ku su yunan i su empleadonan, kasi tur ta yunan di tera. Mayoria di nan tin mas ku dies piku aña den servisio. Ta hasi hopi dolor pa mira kon awor, despues di 28 aña, nan tur tin miedu di pèrdè nan trabou.

Sr. Eustatia ta ku lomba kontra di muraya i tin varios pregunta importante ku ta sin kontesta. Pa e daño ku Gaming Control Board ta hasiendo gerensia i empleadonan di hotel Otrobanda, pero tambe ekonomia di Kòrsou, sr. Eustatia ta bai korte i ta kuminsá un kaso kontra di Gaming Control Board.