KOMUNIKADO DI KUERPO POLISIAL KÒRSOU Detenshon pa violashon di lei di arma di kandela.

KOMUNIKADO DI PRENSA 153/ 2019
18 aprel 2019
Detenshon pa violashon di lei di arma di kandela.
Departamentu di Komunikashon i Prevenshon

KUERPO POLISIAL KÒRSOU

SIRBI I PROTEHÁ
Djaweps 18 aprel 2019 alrededor di 01.30’or di mardugá, durante di patruya riba Helmin
Magno Wiels Boulevard, un unidat di e Tim di Mantenshon di Òrdu Públiko a tuma nota di un (1) hòmber sospechoso koriendo riba un skuter.
E unidat a dun’e òrdu pa para pero e hòmber a siguí kore bai.
Despues di un persiguishon den área di Otrobanda a logra para e hòmber i durante di un
kontròl riba e sospechoso aki den un tas, a haña i konfiská un arma di kandela, bui i e skuter pa mas investigashon.
Na e sitio a detené e hòmber A.A.G.M., di 29 aña di edat, nase na Bonaire pa violashon di
lei di arma di kandela.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.