KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

GOBIERNUNOTISIA

Kompetensia pa Premio Broertje Marshall

Kompetensia pa Premio Broertje Marshall

Geplaatst op 25 Aprel 2019 dor di Ministerio di Enseñansa, Siensia, Kultura & Deporte

Willemstad- E promé Premio Charlwin “ Broertje” Marshall ta keda otorgá riba 14 di mei próksimo. Promé ku esei tuma lugá e kompetensianan kulinario bou di nos hóbennan ku ta entre 16 ku 30 aña a keda organisá pa Ministerio di E.S.K.D. (sektor di Kultura i Deporte ) i C.H.A.T.A. riba 24 aprel 2019.

E dos kategorianan ta:

1.​16-20 Junior Chef
2.​21-30 Senior Chef

E kompetensia a keda partí den tres grupo i a tuma lugá hinter dia den e kushina di Marnix College na Cas Coraweg den un ambiente ameno. Hóbennan ku ta studia pa kòki ta super orguyoso ku gobièrnu ta rekonosé nan arte. Por a tuma nota ku nan tabata hopi kontentu i positivo durante di e kompetensia.

Minister di Enseñansa, Siensia, Kultura i Deporte Sra. M.Alcalá-Wallé den kompania di direktor di CHATA sr. M.Mercera a pasa personalmente pa tuma nota di e abilidatnan kulinario eksepshonal di nos hóbennan. Eksito pa e hurado ku tin un tarea realmente difisil!

Un pabien na tur e partisipantenan!

Leave a Reply

This site uses Akismet to reduce spam. Learn how your comment data is processed.