Karta di parlamentario Curtley Obispo dirigi na Minister di Salubridat, Medio Ambiente i Naturalesa, señora Susanne Camelia-Römer ku tópiko: status di kuentanan anual pendiente te ku aña 2017 di fundashonnan di Pais Kòrsou ku ta kai bou di portafolio di Minister di Salubridat, Medio Ambiente i Naturalesa.

Minister di Salubridat, Medio Ambiente i Naturalesa

Señora Susanne Camelia-Römer

Fort Amsterdam # 17

Presente

 

Djaweps, 11 aprel 2019

 

Tópiko: status di kuentanan anual pendiente te ku aña 2017 di fundashonnan di Pais Kòrsou ku ta kai bou di portafolio di Minister di Salubridat, Medio Ambiente i  Naturalesa.

Apresiabel señora Minister Susanne Camelia-Römer,

Duna kuenta i rason na tempu ta konta tambe pa fundashonnan ku ta entidatnan di Pais Kòrsou. Fundashonnan ku ta entidatnan di Pais Kòrsou, ku segun nan statutonan i e lei di Corporate Governance, mester kumpli i entrega tur aña na tempu nan kuenta anual audita (“gecontroleerde jaarrekening”) i tambe raporta riba funshonamentu di Corporate Governance.

Aña pasa riba 14 sèptèmber 2018, nos Frakshon di PAR den Parlamento di Kòrsou den un komunikado di prensa a indiká ku entre otro i mi ta sita: “Gobièrnu di Kòrsou mester sigui motivá su kompanianan anónimo i fundashonnan pa nan entrega nan kuenta anual te ku 2017 na tempu den aña 2018. No ta aseptabel ku ainda tin sierto kompanianan anónimo i fundashonnan di Gobièrnu ku no a entrega nan kuenta anual te ku aña 2017. Kompanianan i fundashonnan di Gobièrnu di Kòrsou mester ta responsabel i mester duna kuenta i rason den ménos ku seis (6) luna despues di e aña 2017 na Gobièrnu. Den aña 2019 nos ta spera ku kompanianan òf fundashonnan di gobièrnu lo sòru di kumpli i entrega nan kuenta anual 2018 promé ku 1 yüli 2019”.

Den e Rapòrt di Maneho Finansiero di Pais Kòrsou di Yanüari 2019 (FMR Yanüari 2019), anekso (“bijlage”) 4, mi a tuma nota ku te ainda tin diferente fundashonnan ku ta entidatnan di Pais Kòrsou i ku ta kai bou di portafolio di Minister di Salubridat, Medio Ambiente i  Naturalesa, ku te ainda tin kuentanan anual pendiente pa entrega te ku aña 2017 na Gobiernu di Korsou.

A base di Rapòrt di Maneho Finansiero di Pais Kòrsou di Yanüari 2019 (FMR Yanüari 2019), anekso (“bijlage”) 4 i e lei di Corporate Governance, mi ta aserka Minister di Salubridat, Medio Ambiente i Naturalesa ku e siguiente preguntanan, hasiendo uso di mi derecho komo parlamentario pa hasi pregunta konforme artíkulo 96 di Reglamentu di Orden di Parlamento di Kòrsou:

Fundashon Kuido di Ambulans

  1. Kiko ta e motibunan konkreto ku Fundashon Kuido di Ambulans segun e FMR Yanüari 2019 Anekso 4, no a entrega su kuentanan anual audita te ku aña 2017 na Gobièrnu di Kòrsou?
  2. Ki dia Parlamento di Kòrsou lo risibí di Gobièrnu di Kòrsou tur e kuentanan anual te ku aña 2017 di Fundashon Kuido di Ambulans?

Caribbean Research & Management of Biodiversity (Carmabi) Foundation

    1. Kiko ta e motibunan konkreto ku Carmabi segun e FMR Yanüari 2019 Anekso 4, no a entrega su kuenta anual audita di aña 2017 na Gobièrnu di Kòrsou?

 

  • Ki dia Parlamento di Kòrsou lo risibí di Gobièrnu di Kòrsou e kuenta anual 2017 audita di Carmabi?

 

Stichting Veeteelt Curaçao (Stivecu)

  1. Kiko ta e motibunan konkreto ku Stichting Veeteelt Curaçao (Stivecu) segun e FMR Yanüari 2019 Anekso 4, no a entrega su kuenta anual audita di añanan 2011 te ku aña 2017 na Gobièrnu di Kòrsou?
  2. Ki dia Parlamento di Kòrsou lo risibí di Gobièrnu di Kòrsou e kuenta anual audita di aña nan 2011 te ku aña 2017 di Stichting Veeteelt Curaçao (Stivecu)?

Fundashon pa Maneho di Adikshon

  1. Kiko ta e motibunan konkreto ku Fundashon pa Maneho di Adikshon segun e FMR Yanüari 2019 Anekso 4, no a entrega su kuenta anual audita di añanan 2015 te ku 2017 na Gobièrnu di Kòrsou?
  2. Ki dia Parlamento di Kòrsou lo risibí di Gobièrnu di Kòrsou e kuentanan anual audita di añanan 2015 te ku 2017 audita di Fundashon pa Maneho di Adikshon?.

Stichting Opvangtehuis Brasami

  1. Kiko ta e motibunan konkreto ku Stichting Opvangtehuis Brasami segun e FMR Yanüari 2019 Anekso 4, no a entrega su kuenta anual audita di añanan 2010 te ku 2017 na Gobièrnu di Kòrsou?
  2. Ki dia Parlamento di Kòrsou lo risibí di Gobièrnu di Kòrsou e kuentanan anual audita di añanan 2010 te ku 2017 audita di Stichting Opvangtehuis Brasami?.

Atentamente,

Curtley Obispo

Parlamentario pa Kòrsou

PAR

Potret 2019 parlamentario Curtley Obispo vershon 2

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: