Presidente di Eerste Kamer ta risibí raportadónan di PACE

Notisia | 5 di novèmber 2026

Presidente di Eerste Kamer, Mei Li Vos, i sekretario general interino (Griffier), Luuk van Luijk, a risibí riba diamars 3 di novèmber dos raportadó di Komishon di Monitoreo di Asamblea Parlamentario di Konseho di Oropa (PACE), Titus Corlățean di Rumania i Petri Honkonen di Finlandia.

Integridat

Vos i Van Luijk a papia ku e raportadónan tokante e oumento di ekspreshonnan di odio kontra polítikonan, libertat di ekspreshon, e kódigo di komportashon i integridat di Eerste Kamer, i independensia di minister di Hustisia.

Ademas, e presidente a duna un splikashon tokante e planifikashon di e proposishonnan di lei ku ta ser sperá den Eerste Kamer.

Programa di tres dia na Den Haag

Durante nan bishita di tres dia na Den Haag, e raportadónan a tene kombersashonnan tambe ku presidente di Tweede Kamer, Thom van Campen, minister, funshonarionan públiko, frakshonnan di oposishon, representantenan di organisashonnan no gubernamental (ONG), Konseho di Estado, Konseho pa Administrashon di Hustisia, Ombudsman Nashonal i miembronan di e delegashon hulandes den PACE.

Ku e bishita akí, e raportadónan tabata ke evaluá te na ki grado Hulanda ta kumpli ku e obligashonnan ku ta resultá di su membresia den Konseho di Oropa.

Den nan rapòrt, nan lo trata temanan relashoná ku funshonamentu di e estado demokrátiko di derecho i kumplimentu ku derechonan humano.

E rapòrt tokante Hulanda lo ser tratá durante e seshon plenario di aprel 2027 di Asamblea Parlamentario di Konseho di Oropa na Estrasburgo.