Selebrashon Dia di Rei awe na Renaissance Mall & Rif Fort!
Selebrashon Dia di Rei awe
na Renaissance Mall & Rif Fort!
WILLEMSTAD – Selebrashon Dia di Rei na Renaissance Mall & Rif Fort ta un tradishon kaba! Kuminsando awe mainta for di 10’or te 6’or di atardi lo tin ambiente rònt di fòntein ku diferente stènt di joya trahá na man, obra di man, mata, produktonan natural i muchu mas. Lo tin bouncers i wega pa tur mucha. Lo tin un presentashon spesial 13:30 di Grupo Folklóriko Aminee for di Ulanda. No pèrd’é!
Tur aña e bazar rònt di e fòntein di Renaissance Mall & Rif Fort ta yen di ambiente; durante henter dia lo tin animashon ku presentashon di Dj Lu-C entre 10’or di mainta i 2’or di mèrdia, siguí pa Dj JayStax di 2’or pa 6’or, Juni Juliet di 6:30PM pa 8’or di anochi i finalmente Juni & Friends te ku11’or di anochi den Rif Fort. Tur establesimentu lo tin deskuento òf ofertanan atraktivo i diferente restorant lo tin promoshon. No lubidá di saka un foto den e photo-booth! Bishitantenan por saka nan potrèt i bira Rei òf Reina pa un dia i tene esaki komo rekuerdo di Kings Day 2019. Ora ku e bazar tèrminá, lo sigui ku e ambiente den Rif Fort. Selebrá Dia di Rei awe djasabra na Renaissance Mall & Rif Fort.