Manera ya ta konosí den oranan di mardugá koriente a bai den área di Otrobanda inkluso St. Elisabeth Hospital. Nos por informá ku e situashon a stabilisá. (video)

 

Manera ya ta konosí den oranan di mardugá koriente a bai den área di Otrobanda inkluso St. Elisabeth Hospital. Nos por informá ku e situashon a stabilisá. 

Den mas o ménos 1 ora i mei Aqualectra a sòru pa Hospital tin koriente bek. Den e término kòrtiku ku no tabata tin koriente e “generator” di hospital a aktivá inmediatamente. Ta importante pa splika ku no ta tur departamentu di hospital ta konektá riba e generator (back-up) aki sino e departamentonan ku ta duna kuido kritiko (SEH, NICU, IC i CCSU i EHH). E departamentonan ménos kritiko (Verpleegafdelingen) tin mónitòr ku ta pega riba bateria ku ta duna espasio pa algun ora.

Nos por informá ku e kuido na nos pashèntnan na niun momentu a kore peliger. Kuido a keda garantisá na tur momentu durante e kalamidat aki.

E tim di kalamidat si SEHOS (7 persona) i téknikonan a aktivá mesora i tabata na hospital rápidamente i a sa di monitorea e situashon.  A pasa na tur departamentu kontrolá e situashon pa asina tuma medidanan nesesario. E tim aki ta train konstantemente pa sa kon pa aktua durante un kalamidat i nos personal na tur momentu ta prepará pa si akaso un situashon manera esaki presentá.

Nòmbernan di esnan ku a papia durante e rueda di prensa:

Dr. Arnolfo Trappenberg (Direktor A.I)
Dr. Sandra Cova (Hoofd Calamiteitenteam)
Sra. Aissa Snijders (Coordinator Calamiteitenteam)