NOS SELEKSHON NASHONAL KATEGORIA U-17 A BIAHA PA TAMPA PA KOMPETÍ DEN E TORNEO DI CONCACAF KATEGORIA U-17!

NOS SELEKSHON NASHONAL KATEGORIA U-17 A BIAHA PA TAMPA PA KOMPETÍ DEN E TORNEO DI CONCACAF KATEGORIA U-17!

 Despues ku diferente selekshon ta tin e oportunidat di saka kara di Kòrsou, awor ta toka turno na nos selekshon nashonal kategoria U-17. Nos selekshon a sali awe den oranan trempan di mainta ku buelo di American Airlines pa Tampa pa representá nos durante e partidonan di kualifikashon pa mundial di kategoria U-17, organisá pa CONCACAF.

Nos selekshon ta tin un periodo largu di preparashon ku a konta ku entrenamentu riba e área físiko, táktiko, mental i tékniko. Tambe nos selekshon ta tin diferente aktividat sosial, ‘team building’ i algun dia di ‘kamp’ kaminda tur e hóbennan aki a keda huntu na FFK pa por siña kombibí mas mihó ku otro i naturalmente sigui prepará pa e kompromisonan importante ku ta wardando nos.

Esaki despues ku un grupo di 8 hungadó residensiá aya na Hulanda a yega Kòrsou 25 di aprel último pa djòin e 12 hungadónan di Kòrsou pa kontinuá ku e preparashonnan.

E hungadónan ku lo representá Kòrsou durante e torneo aki ta:

1. Roshyon Anita (Centro Barber)
2. Reinier Bonifacio (Excellence School)
3. Othmar Inecia (Vesta)
4. Jahir Jakoba (Subt)
5. Rensver Juliana (Excellence School)
6. Sidney Kastaneer (Vesta)
7. Jhaïr Langguth Koeiman (Scherpenheuevel)
8. Ruhairson Sambo (Subt)
9. Elijah Nava (Inter Willemstad)
10. Alrick Panthophlet (New Song)
11. Dairison Pieternella (Excellence School)
12. Kenrick Jansen (Excellence School)
13. Rychaintelo Knol (Feyenoord)
14. Tyrick Bodak (De Graafschap)
15. Gedion Meridina (FC Volendam)
16. Juruel Bernadina (FC Utrecht)
17. Rivano Stacie (AZ)
18. Nathan Holder (FC Utrecht)
19. Ludnardo Schoop (FC Volendam)
20. Arenchelo Leito (PEC Zwolle)

Debí na nos ‘ranking’ nos selekshon no mester a partisipá den e promé fase di e kampionato aki pero por a partisipá dirèkt den e di 2 fase ku ta tuma lugá di promé pa 16 di mei binidero.

Durante e sorteo a bira konosí ku nos a kai den grupo H ku ta konsistí di e siguiente paisnan: Costa Rica, Panama, Sürnam i Kòrsou,

Skema di weganan:

 

Fecha	Orario	Tim di kas	Bishitante	Lugá
2 mei 19	10:00 AM	Sürnam	Kòrsou	IMG Academy (Bradenton, Florida)
4 mei 19	16:00 PM	Kòrsou	Costa Rica
6 mei 19	10:00 AM	Kòrsou	Panama

 

Nos selekshon nashonal kategoria U-17 ta konsistí di un grupo di 20 hungadó ku ta wòrdu dirigí pa Sr. Raul Gonzalez Triana ku ta e entrenadó di e selekshon aki i Sr. Cristopher Jacobus ku ta e asistente di e entrenadó miéntras Pablo Aloma Mark ta e entrenadó di portero.

Tambe a biaha huntu ku e selekshon Sr. Sherwin Inesia ku ta e masahista di e selekshon i e dòkter di nos selekshon ta Sr. Ramfis Fillet.

Sr. Roderick Rojer ta esun enkargá ku e materialnan i e hefe di delegashon ta

Sr. Hubert Isenia, miembro di direktiva di FFK.

Manera semper FFK ta deseá nos selekshon di U-17 tur klase di éksito i tin sigur ku nan lo sa di hasi un bon trabou na Tampa durante e torneo di CONCACAF pa kategoria U-17.

30 aprel 2019