Souax Gill’sport prome finalista pa e gran final softbol hubenil CSB/MCB

Souax Gill’sport prome finalista pa e gran final softbol hubenil CSB/MCB

Playoff di softbol hubenil patrosina pa MCB a kontinua djarason 1 mei na sabana ballpark ku partido number 2 di e serie miho di 3 entre Pichingolo Nissan i Souax Gillsport.             Pichingolo Nissan a bin desidido pa empata e serie I nan a logre na momentu ku nan a nokout Souax den di 5 inning ku skor di 9 pa 2. Picher ganador pa Pichingolo a resulta Melany Castro. Ku e serie empata 1-1, a start mesora pa e wega desisivo pa mira ken ta bira e prome finalista pa e gran final softbol hubenil 2019. Akinan Souax Gillsport ta reakshona i nokout Pichingolo Nissan ku skor di 12 pa 2 den di 4 inning. Picher ganador a resulta Kiara Domacasse.               Di e manera aki Souax Gill’ssport ta pasa pa gan final hubenil pa di 3 anja konsukutivo. Djabierne awor Pichingolo Nissan tin di topa e kampionan di 2018 Starosa Angels Vanddis den un serie miho di 3 pa wak kwa di nan ta bira otro finalista ku tei hunga final kontra di Souax Gillsport. Djabierne 19:00 e partido aki lo ta na Sabana Ballpark i djasabra wega no 2 na Buenavista ballpark 14:00, si e serie empata lo hunga wega desisivo djasabra mes 16:00.