KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA

Viktima di tiroteo ta fayesé

Viktima di tiroteo ta fayesé
Na Amsterdam Zuidoost tabata tin un hòmber ku a keda alkansá pa varios tiru di bala na Hoptille. El a fayesé a konsekuensia di e heridanan ku el a risibí. E hòmber di 24 aña a keda tirá riba kaminda i a resultá grave heridá. Agentenan polisial ku a yega na e sitio mester a kuminsá mesora ku e proseso di reanimá e viktima. Personal di MMT (Mobiel Medische Team) a kontinuá ku e proseso aki. E viktima a keda transportá ku urgensia pa hospital kaminda ku el a fayesé.
Den area serkano di e tiroteo tabata tin un akshon di buskeda pa trata na lokalisá posibel sospechosonan.
Un TGO (Team Grootschalige Opsporing) tin e kaso aki den investigashon. Nan ta en buska di testigunan ku por a mira algu promé, durante òf despues di e insidente na Hoptille ku por ta di importansia pa e investigashon. Si un persona tin imagen di kamara di vigilansia òf di dashcam, no deskartá e imagen aki pero pone esaki na disposishon di e tim di investigashon. Testigunan por tuma kontakto ku e tim di reshèrshi na number 0900-8844, alabes tin e posibilidat di tuma kontakto anonimo na number 0800-7000.

639114718427035"
639114718427035"