BUREAU TELECOMMUNICATIE & POST KUENTA ANUAL 2018 DI BUREAU TELECOMMUNICATIE EN POST, ENTREGA NA MINITSTER DI VVRP SRA. ZITA JESUS-LEITO
BUREAU TELECOMMUNICATIE & POST
KUENTA ANUAL 2018 DI BUREAU TELECOMMUNICATIE EN POST, ENTREGA NA MINITSTER DI VVRP SRA. ZITA JESUS-LEITO
Willemstad – 6 di mei 2019- Gerensha di Bureau Telecommunicatie & Post (BTP) resientemente a hasi entrega di su kuenta annual 2018 na Minister enkarga ku Tráfiko, Transporte i Planifikashon Urbano, Sra. Zita Jesus- Leito. Gerensha i Hunta di Supervision di e forma aki ta kumplí ku loke ta su deber di raportá konforme loke tin para den e Ordenansa ku ta reglá Bureau Telecommunicatie & Post (P.B. 2006, no.69.)
E raportahe riba 2018 ta duna un bista bon kla di e trabounan realisá konforme outoridat di BTP, desaroyo di e organisashon i un bista general di e trabounan di regulashon ku a keda realisá den e aña ku ta tras di lomba. BTP di e forma aki ta kumpli pa di tres aña tras di otro ku e ordenansa i hasi entrega di su kuenta na tempu komo un bon kustumber.
BTP ta un reguladó ku atraves di tempu a desaroyá i bira un reguladó multiple ku ta regulá telekomunikashon, pòst, koriente, awa, kombustibel, tarifanan di aviashon, Caricert i e aña aki tambe a kumisa ku e proseso pa konseha minister enkuanto di tarifa den sektor di salubridat. Ku esaki nos entidat reguladó tin responsabilidat pa regulashon di mas di 35 % di nos produkto bruto nashonal. BTP dor di regulá i sostené e sektornan aki, ta sostené e maneho di gobièrnu pa garantisá kalidat di e servisio òf produkto ofresé i preisnan pagabel pa e konsumido. BTP den realisá su responsabilidat ta asumí su ròl tambe di desaroyado di pensamentu p.e. dor di liderá esfuersonan pa desaroya Kòrsou den un pais sabi (Smart Nation.)
Riba potrèt:
Di robes pa drechi Sr. Kenneth Martes miembro di hunta di supervishon, Sr. Franklin Sluis, Minister Sra. Zita Jesus- Leito, Smorenburg di Erns & Young I Sr. Edwin Bogert di BTP
