Presentashon na Prensa di Partisipante nan di Marvelous Production

Presentashon na Prensa di Partisipante nan di Marvelous Production

Djasabra awor Marvelous Production ta presentá su partisipante nan di aña 2019. Ya ta konosí ku Marvelous Production ta e promé organisashon ku ta organisá sertámen pa mucha nan for di 3 aña di edat ku gusta e mundu di moda ku ta enserá pasarella, saka potrèt, konosementu general, i hopi mas.

E aña aki pa promé biaha na Kòrsou lo tin un sertámen ku lo konsistí di 7 diferente kategoria riba e mesun dia. Algu nobo ku sigur tur hende lo ke presensia.

Despues di algun siman di preparashon, djasabra awor boso lo bai haña e promé bista pa loke ta trata e partisipante nan aki. E evento lo tuma lugá riba Plaza Jojo Corea (dilanti MCB den Punda) di 4’or pa 5:30 atardi.

Nos ta warda un i tur pa bin disfrutá di e atardi ameno aki den nos sentro di siudat i alabes bin skohe bo faborito pa loke ta e promé presentashon aki.