Inskripshon Reina, Prens i Pancho 2020
Kòrsou 7 di mei 2019,
Despues di un tremendo temporada di reflekshon i tambe e temporada di kosecha, Grupo Paraiso Hubenil ta ranka sali ku su preparashon nan pa Marcha di Karnaval Hubenil Kòrsou 2020.
E temporada di karnaval 2019 nos komo lider nan di un grupo nobo a siña hopi i ta kla pa e reto aki un biaha mas.
Ta hopi ta e mayornan i tambe hóben nan ku ta aserkando nos pa nan yu por bai kompetí durante di elekshon Reina, Prens i Pancho Hubenil 2020.
Esaki a pone ku nos komo grupo ta organisá un elekshon kaminda tur esnan ku ta interesá por inskribí i partisipá durante di e elekshon aki kaminda nos lo skohe e Reina Prens i Pancho Hubenil ku lo bai representá nos grupo durante e elekshon di Reina, Prens i Pancho Karnaval Hubenil Kòrsou 2020.
Ku e introdukshon kòrtiku aki nos kier informá bo ku bo tambe por inskribí i por ta un di e representante nan pa Grupo Paraiso Hubenil. Subi nos página di Facebook “Paraiso Hubenil òf nos página di Instagram paraiso_hubenil i yena bo formulario di inskripshon. Kisas ta abo ta esun ku lo representá nos grupo durante elekshon Reina, Prens i Pancho Hubenil 2020.
Team Paraiso Hubenil
