NOS SELEKSHON NASHONAL KATEGORIA U-17 KETU BAI DEN KONTIENDA DI E TORNEO DI CONCACAF KATEGORIA U-17!

NOS SELEKSHON NASHONAL KATEGORIA U-17 KETU BAI DEN KONTIENDA DI E TORNEO DI CONCACAF KATEGORIA U-17!

Manera ya ta konosí nos selekshon nashonal kategoria U-17 ta na Tampa pa representá nos durante e partidonan di kualifikashon pa mundial di kategoria U-17, organisá pa CONCACAF.

Total nos ta tin 3 partido di kual nos ta tin 2 empate i a sufri un derota. Durante e promé partido nos a empatá na un gol ku e ekipo di Sürnam i e outor di nos gol tabata Roshyon Anita. Den e di 2 enkuentro nos a kai vensí ku skor di 3-0 kontra Costa Rica i den nos último enkuentro ku Panama tambe nos a empatá na 3 gol. Juruel Bernadina, Roshyon Anita ku Othmar Inecia a anotá e golnan di e partido aki.

Tabla di posishon:

 

		WH	WG	WE	WP	GF	GK	Saldo	Punto
1	Costa Rica	3	2	1	0	11	2	9	7
2	Panama	3	1	2	0	8	6	2	5
3	Kòrsou	3	0	2	1	4	7	-3	2
4	Sürnam	3	0	1	2	2	10	-8	1

 

Ku e resultadonan aki nos selekshon ta sigui pa e oktavo final i lo mester enfrentá Canada proksimemente.

Aki ta sigui e detayenan di nos siguiente partido;

 

Fecha	Orario	Tim di kas	Bishitante	Lugá
9 mei 19	15:00 PM	Canada	Kòrsou	IMG Academy (Bradenton, Florida)

Ketu bai nos selekshon ta den kontienda i nos ta sigui apoyá nos selekshon nashonal aya na Tampa i ta deseá nan tur klase di éksito pa djaweps aki!