Avion di Aruba Airline ku aterisahe di emergensia na aeropuerto Hato

Avion di Aruba Airline ku aterisahe di emergensia na aeropuerto Hato

Durante oranan di atardi un avion di Aruba Airline a konfrontá problema ku un motor di e avion i mester a hasi un aterisahe di emergensia na aeropuerto Hato aki na Kòrsou. E pilot a logra di baha e avion riba un motor. E motor ku tabata tin problema a paga kompletu.
Na momentu ku e pasaheronan a bordo di e avion a keda notifiká di e situashon ku a surgi, un dama pasahero a drenta paniko. Ku konsekuensia ku entre otro su preshon a subi. Apesar di servisio di brandweer, tabata tin servisio di ambulans tambe riba pista pa por atendé ku e dama asina ku e avion aterisá.
Aeropuerto tabata será pa un ratu. Tur pasahero i tripulante a baha for di e avion.
Kousa di e fayo den e motor ta den investigashon.

This site uses Akismet to reduce spam. Learn how your comment data is processed.

%d bloggers like this: