Brigada di Seguridat i Formashon ku Dia Habrí Djadumigu 19 di Mei 2019
Brigada di Seguridat i Formashon ku Dia Habrí Djadumigu 19 di Mei 2019
Willemstad – Manera tur aña Brigada ta duna oportunidat na hóbennan pa skirbi nan nòmber pa forma parti di e Brigada. Brigada di Seguridat i Formashon ta buskando hóbennan entre 15 pa 25 aña ku ta dispuesto pa eksperensha algu otro i ku un karakter firme i desididó. Abo Hóben masha dia bo tabata kier a forma parti di brigada awel ata bo oportunidat pa ta parti di Brigada di Seguridat i Formashon. E dia ta kuminsá 10 or di mainta i ta finalisá 16:00. Entre 10:00 pa 14:00 tin diferente demostrashon i presentashon. Despues di esei por inskribí te 16:00 di atardi.
Djadumigu 19 di mei Brigada di Seguridat i Formashon ta organisá un dia habrí pa asina pueblo di Kòrsou por wak kiko Brigada ta hasi i tambe sera konosí ku nos kas nobo. Pa por inskribí subi riba nos facebookpage;Brigada di Seguridat i Formashon riba e pagina di facebook tin un link pa yena, yena e formulario di inskripshon kompletu Pa esaki ta bálido mester entregá un kopia di sédula, pasfoto (no mas bieu ku 6 luna) i 20 florin.
Brigada di Seguridat i Formashon ta un proyekto di Fundashon Bos di Hubentut kaminda hóbennan entre 15 i 25 aña ta vigilá seguridat di mucha hóben durante eventonan públiko. E idea di brigada a lanta na aña 2004 ora un hóbensito di a bira viktima den e aktividat públiko di seú kual a kosta su bida pa falta di seguridat. E aksidente aki a motivá Fundashon Bos Di Hubentut pa tuma inisiativá pa lanta un brigada formá dor di hóben bon prepará mental i físikamente pa por duna asistenstia den aktividatnan manera karnaval di mucha, parada di tiner, Seú i otro aktividat públiko. Miembronan di BSF tur wikènt ta sigui trainingnan intensivo di entre otro: training di kondishon i training mental. Miembronan di brigada ta partisipá na aktividatnan manera “Survival Camp”, “Trainings Camp”,i teambuilding.
Por pasa tambe na ofisina di Brigada di Seguridat i Formashon na Laufferstraat z/n na Mundu Nobo di 08.30 AM (8’30 or di mainta) pa 17.00 PM (5 or di atardi).


