CHARLA: HIV Djamars 14 di MEI 2019 na Sentro di Bario Souax
CHARLA: HIV Djamars 14 di MEI 2019 na Sentro di Bario Souax
Fundashon Pro Souax, Sentro Médiko Souax i Sentro di bario Souax ta anunsiá na habitante di barionan di Souax, Zegu, Ser’i Kandela, Gato i bisindario i tur otro interesado, ku djamars awor 14 di mei lo tin otro interesante charla riba salú i kuido di salú. E luna aki, e tópiko ta: HIV.
Durante e charla Dr.Oliva lo duna informashon tokante e virus di inmunodefisiensia humano esta HIV.
Entre otro e dòkter lo splika : kiko ta HIV, e síntomanan di ta infektá ku HIV, kon ta diagnostiká si un persona ta infektá ku HIV i kon redusí e riesgo pa keda infektá. E charla ta grátis i públiko lo tin amplio oportunidat pa hasi pregunta.
Charla riba salú i kon kuida bo salú
Tópiko :” HIV ”
Oradó : Dr. Octavio Oliva; dòkter di kas pa bario di Souax
Dia : Djamars 14 di MEI 2019
Ora : Shet’or pa mitar di nuebe di anochi (19.00 – 20.30)
Lugá : Sentro di bario Souax
Entrada : GRATIS
