UNSEBAKO ku petishon urgente   na Minister di SOAW pa solushoná problemanan di sentronan di bario.

UNSEBAKO ku petishon urgente   na Minister di SOAW pa solushoná problemanan di sentronan di bario.
                  
Fundashon Union Sentronan di bario di Kòrsou, “UNSEBAKO” den su mas resiente reunion di Konseho di Federashon dia 11 di mei último a trata algun punto di hopi importansia i a tuma diferente desishon al respekto. A para ketu na e situashon difísil bou di kua sentronan di bario mester realisá nan trabou pa bario i entre otro a trata e problemátika di falta di personal i e echo ku Sefba no ta kumpli manera mester ta ku pago di gastunan di utilidat di sentronan di bario.  
Konseho di Federashon den su totalidat tabata sumamente desapuntá i a lamentá ku despues di a reuní ku minister di SOAW i ku minister a primintí ku denter di 2 siman , esta pa mas tardá 9 di aprel 2019, e lo duna un reakshon por eskrito, ya  ta 7 siman ku nan a trese e puntonan aki na atenshon di minister di SOAW, sr. Hensley Koeiman i ku kontrali na loke minister a primintí te ainda UNSEBAKO no a risibi minister su reakshon por eskrito riba e puntonan di doló di e sentronan di bario.  .
Durante e reunion di Konseho di Federashon dirigentenan di e sentronan di bario afiliá na UNSEBAKO a trese dilanti ku pa nan e trato aki ta desepshonante speshalmente pa motibu ku ta minister di SOAW a aserká e sentronan pa tende di nan problema i dolónan.
E dirigentenan no a ferwagt ku despues di e inisiativa aki minister di SOAW lo no a duna manera ela primintí su reakshon por eskrito riba e puntonan. Nan a ekspresá nan prekupashon pa e echo ku mientras minister di SOAW tin hinter un ministerio na su disposishon i te asta tin un kolaboradó spesialmemte enkargá ku asuntunan di sentro di bario de fakto nan no ta mira niun akshon konkreto pa aliviá e situashon di sentronan di bario.
Finalmente komo un promé paso pa awor si haña un solushon definitivo pa nan situashon sentronan a disidí pa konhuntamente aserká minister di SOAW sr.Koeiman ku e petishon pa konforme loke minister mes a primintí e sentronan den reunion 26 di mart último informá UNSEBAKO kon ta bai atendé na un manera satisfaktorio ku tur e problemanan señalá.

           Athunto:
– e karta ku direktiva di UNSEBAKO i dirigentenan di sentronan di bario afiliá na UNSEBAKO a manda minister di SOAW sr. Hensley Koeiman

algun potrèt di e reunion di Konseho di Federashon di UNSEBAKO den kua a tuma e desishon pa urgí minister Koeiman pa un reakshon riba e puntonan di doló di sentronan di bario.

 

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: