Detenshon pa violashon lei di arma di kandela i lei di opio.

KOMUNIKADO DI PRENSA 189 / 2019
18 mei 2019
Detenshon pa violashon lei di arma di kandela i lei di opio.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djasabra 18 di mei 2019 alrededor di 05.00’or, Sentral di Polis a risibí informashon ku na
altura di un establesimentu di dibertishon riba Cubaweg, un hòmber lo a los algun tiru ku
un arma di kandela.
Inmediatamente a dirigí unidatnan na e sitio i na nan yegada nan a bin topa un hòmber ku
tabata kuadra ku e deskripshon ku Sentral a duna anteriormente.
Durante kontrol di e sospechoso aki, a bin top’e ku un lachi di pistol ku algun bala skèrpi
aden.
Kontinuando ku e investigashon na e sitio, polis a bin topa 2 saku di mariwana den outo di e
hòmber aki, di inisialnan W.M.O., nase na Repúblika Dominikana di 27 aña di edat.
A konfiská e droga i e kashi di bala, miéntras ku a presentá e sospechoso dilanti di un fiskal
ouksiliar, ku a ordená su enkarselamentu pendiente di mas investigashon.