Ladronisia ku violensia i detenshon.

KOMUNIKADO DI PRENSA 201 / 2019
26 mei 2019
Ladronisia ku violensia i detenshon.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djadumingu mardugá alrededor di 02.58’or Sentral di Polis a risibí informashon di un kaso
di ladronisia ku violensia ku tabata tumando lugá na un kas na Mon Reposweg.
Unidat di Rio Canario ku a yega na e sitio, a topa dos hòmber ku tabata bringando ku otro.
Un di nan tabatin un herida serio na altura di su wowo i tabata sangra bastante.
Polis a para e bringamentu inmediatamente i a kuminsá ku un investigashon.
A sali na kla ku e víktima a yega kas, topa e sospechoso O.G.M. di 55 aña di edat nase na
Kòrsou, tabata hòrta den su vehíkulo.
Na momentu ku e víktima a bai atendé e sospechoso, e último aki lo a dal e víktima ku un
opheto fuerte, na su kabes i herid’é.
O.G.M. a keda detené na e sitio pa ladronisia ku violensia i a wòrdu presentá dilanti di un
fiskal ouksiliar ku a ordená su enkarselamentu pendiente di mas investigashon.

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: