Kon ta ku e situashon finansiero di Pais Kòrsou?

Kon ta ku e situashon finansiero di Pais Kòrsou?

Durante e reunion di Komishon Sentral di Parlamento di Kòrsou, parlamentario  Curtley Obispo, a hasi e diferente pregunta na Minister di Finansa, señor Kenneth Gijsbertha. Preguntanan basa riba: (a) e metanan stratégiko ku tin ku logra pa loke ta trata  finansa publiko di Pais Kòrsou i (b) e Rapòrt di Maneho Finansiero/Ehekushon Yanüari 2019 te ku Mart 2019 di Pais Kòrsou. Ta trata di e siguiente 9 preguntanan:

1) Kua ta e situashon finansiero di Pais Kòrsou na e momento aki, 31 mei 2019?

2) Awe 31 mei 2019, ta práktikamente 5 luna a pasa pa loke ta trata ehekushon di Presupuesto 2019 di Pais Kòrsou. Kua ta e akshonnan konkreto pendiente den e sobra 7 lunanan di aña 2019, pa asina por mehorá finansa públiko di Pais Kòrsou ? Kua ta e prioridatnan pa mehorá finansa públiko di Pais Kòrsou?

3) Kuentanan anual 2014 te ku 2017 di Pais Kòrsou. Kua ta e status di e kuentanan nan anual aki? Ki dia den aña 2019, Parlamento di Kòrsou lo risibí e kuentanan anual 2014 te ku 2017 di Pais Kòrsou? Pa asina por fiha nan i sera e siklonan presupuestario di añanan 2014 te ku 2017 den aña 2019.

4) Tin palabrashonnan riba 17 òktober 2018 entre Gobièrnu di Kòrsou i Komishon di Supervishon Finansiero Kòrsou i Sint Maarten. Pregunta: tin palabrashonnan pendiente pa kompletá di parti di Gobièrnu di Kòrsou? Si òf No. Dikon si òf No?

5) Preguntanan a base di e Rapòrt di Maneho Finansiero/Ehekushon Yanüari 2019 te ku Mart 2019 di Pais Kòrsou: a) “afvalstoffenbelasting”: dikon e entrada aki ta sero florin pa loke ta aña 2019 kompará ku un presupuesto di 3.3 mion florin?, b) Invoerrechten: dikon e entradanan di invoerrechten ta koriendo atras ku 2.7 mion florin den e promé 3 luna di aña 2019?, c) “Andere goederen en diensten”: dikon tin mas ku 2 mion florin gasta ku ta presupuestá pa loke ta “andere goederen en diensten”?, d) “Onderstanden en noodvoorzieningen”: dikon tin mas ku 3.7 mion florin gasta ku ta presupuestá den e promé 3 luna di aña 2019? ?, e) “Landsbijdrage aan SVB”:  dikon tin mas ku 3.8 mion florin gasta ku ta presupuestá den e promé 3 luna di aña 2019?

6) Kua tabata e reakshon di Gobièrnu di Kòrsou riba e  Rapòrt “Steunend op eigen kracht, maar met de wil elkander bij te staan”? Rapòrt di e komishon ku a evaluá e Lei di Supervishon Finansiero di Kòrsou. Petishon pa Parlamento di Kòrsou risibí e karta aki.

7) Parlamento di Kòrsou a risibí e Rapòrt Commissie Begrotingsdoorlichting 2019-2022 deel 1. Tin un deel 2?. Ki dia Parlamento di Kòrsou por risibí esaki?

8) Rapòrt Commissie Belastingherziening. Esaki ta kla ? Ki dia Parlamento di Kòrsou por risibí esaki?

9) Pais Kòrsou tin mas ku 900 mion florin riba kaya kual ta indiká bon kla ku no ta tur kontribuyente di belasting ta deklará i paga belasting na tempu. Kiko konkretamente ta hasiendo pa kobra e 900 mion florin aki ?

 

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: