NOS SELEKSHON A GANA INDIA I TA PASA PA E GRAN FINAL DI KING’S CUP 2019!
NOS SELEKSHON A GANA INDIA I TA PASA PA E GRAN FINAL DI KING’S CUP 2019!
Awe, djarason 5 di yüni, nos selekshon nashonal a enfrentá India den oranan trempan di mainta durante nos promé partido di King’s Cup 2019 na Thailand.
Nos selekshon a sali viktorioso i a gana India ku skor di 3-1. E 3 golnan aki a keda anotá pa Roly Bonevacia, Elson ‘Sontje’ Hooi ku Leandro Bacuna miéntras Elson ‘Sontje’ Hooi a sali ‘man of the match’. Pues nos selekshon ta tin un tremendo prestashon apesar di e kondishon di e tempu ku na prinsipio tabata hopi kayente pero despues a surgi un pal’i awa seru ku a baha e kayente poko.
Ku e resultado aki nos a pasa pa e gran final di King’s Cup 2019 i lo mester enfrentá Vietnam dia 8 di yüni 2019 den Chang Arena Stadium.
Resultadonan di King’s Cup 2019:
| Fecha | Skor | Tim A | Tim B | Stadion | |
| 1 | 5 yüni 19 | 3-1 | Kòrsou | India | Chang Arena Stadium, Buriram |
| 2 | 0-1 | Thailand | Vietnam |
Partido pa terser puesto:
| Fecha | Orario | Tim A | Tim B | Stadion |
| 8 yüni 19 | 4:30 AM | Thailand | India | Chang Arena Stadium, Buriram |
Partido Final:
| Fecha | Orario | Tim A | Tim B | Stadion |
| 8 yüni 19 | 8:45 AM | Kòrsou | Vietnam | Chang Arena Stadium, Buriram |
*Tene kuenta ku tur orario ariba menshoná ta ora di Kòrsou
Despues di e gran final di djasabra aki nos selekshon ta sigui ku e preparashonnan pa Gold Cup 2019 kaminda nos promé partido lo ta 17 yüni kontra El Salvador na Jamaica. 21 yüni nos lo enfrentá Honduras durante nos segundo partido di Gold Cup na Houston miéntras nos terser partido lo ta 25 yüni kontra Jamaica na Los Angeles.
Despues di e partidonan aki nos lo sa si nos a klasifiká pa e segundo buèlta di Gold Cup 2019.
Nos selekshon ta sigui konta ku bo, komo e di 12 hungadó, pa sigui apoyá i sostené nan!
Keda pendiente pa mas informashon…





