Aksidente di tráfiko
KOMUNIKADO DI PRENSA 024 / 2021
19 yanüari 2021
Aksidente di tráfiko
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djamars 19 yanüari 2021 alrededor di 14.58’or, Sentral di Polis a risibí informashon di un
aksidente di tráfiko ku a tuma lugá riba Kaya Seru Grandi.
Mesora a dirigí un unidat na e sitio i na nan yegada nan a topa ku un hòmber drumí riba
kaya ku sla na kabes.
For di un investigashon ku polis a hasi na e sitio a resultá ku e hòmber tabata kore den su
vehíkulo riba Kaya Seru Grandi. Diripiente shofùr di e vehíkulo a pèrdè kontrol, bai dal
kontra di muraya di kurá di un kas i dor di e impakto aki e víktima a resultá riba kaya.
Ambulans a transportá e víktima den situashon di preokupashon pa sala di emergensia di
C.M.M..
Departamentu di Tráfiko ta kontinuá ku e investigashon.
