KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA

Ladronisia di kabel di koriente den bario di Souax

Ladronisia di kabel di koriente den bario di Souax
———————————————————————–
Willemstad- Awe mardugá atrobe klientenan a sinti e inkumbenensia kedando algun ora sin koriente pa motibu ku antisosialnan a hòrta kabel di koriente.
E ladronisia a tuma lugá den aria di Souax den e kaya ku ta sali riba e kaminda di Weg naar Wespunt.
Trabounan pa pone kabel nobo pa restablesé e koriente den e aria por a tuma lugá den oranan di awe mainta.
Aqualectra mester hasi  diferente ehersisio i esfuerso pa bin ku alternativa pa aliviá e klientenan sin koriente pero no ta tur ora ta logra esaki mesora i ta trese basta inkumbenensia pa e kliente .
Aqualectra ta bolbe hasi un yamada na outoridatnan kompetente i komunidat en general pero muy en partikular klientenan ku ta biba den e areanan ku ta eskperensiando e hòrtamentu di kabel aki, pa huntu ku bisiñanan vigilá bo bario kontra e fenomeno aki . Si  tuma nota di personanan ku posiblemente no ta outorisá den bisindario di kabelnan of otro propiedat di Aqualectra, denunsiá esaki mesora na e number grátis di Aqualectra 0800-0135 i of e number di Polis 917.
Aqualectra ta bolbe suprayá ku e no por garantisá suministro di koriente mesora  den kasonan di ladronisia di kabel di koriente.
639114718427035"
639114718427035"