PROSEDURA PA PETISHON i PAGO DI SÈN PA PAÑA DI SKOL (KLEDINGGELD)
PROSEDURA PA PETISHON i PAGO DI SÈN PA PAÑA DI SKOL (KLEDINGGELD)
Geplaatst op 10 Yüni 2019 dor di Ministerio di Desaroyo Sosial, Labor i Bienestar
Willemstad- Pa medio di e komunikado aki, Minister di Desaroyo Sosial, Labor i Bienestar, sr. Hensley Koeiman, na nòmber di Gobièrnu di Kòrsou, ta informá tur kobradó di ònderstant ku nan lo risibí pago di sèn pa paña di skol (Kledinggeld) pa aña 2019 den kinsena 15/2019 (fecha di pago dia 22 yüli 2019). Personanan ku tin un entrada bou di suèldu mínimo, por pasa entrante 03 yüni 2019 na e kas di Bario konserní pa hasi nan petishon.
Ken por bini na remarke pa sèn pa paña di skol:
• Yu di mayor o tutor ku ta kobra ònderstant òf tin un entrada bou di suèldu mínimo;
• Yu di un mayor o tutor ku ta inskribí den Registro Sivil di Kòrsou. Mayor o tutor tambe mester ta inskribí.
• Yu di un estranhero ku tin un pèrmit bálido i ta inskribí den Registro Sivil di Kòrsou;
• Yu ku ta kai bou di lei di skol obligatorio i ta bishitá un Skol di Fundeshi, Skol spesial, SBO, HAVO, VWO- supsidiá dor di gobièrnu;
Kua dokumentonan mester entregá na momentu di un petishon:
• Sédula o reibeweis o pasport bálido di mayor o tutor o e persona outorisá ku ta bin hasi petishon;
• Sédula di yu o papel di òp o buki famia;
• Deklarashon ku e yu ta inskribí na skol (schoolverklaring) aña 2019-2020 si e yu ta riba 18 aña;
• Esnan ku tin un entrada bou di suèldu mínimo mester trese e deklarashon di entrada di Inspekshon di Belasting.
• Esnan ku tin un entrada bou di suèldu mínimo, si tin kuenta koriente di Maduro & Curiel’s Bank ó otro bankonan lokal, trese e number di kuenta tambe;
Petishon pa sèn pa paña di skol (kledinggeld) por wòrdu entregá na:
Kasnan di Bario:
– Punda, Prinsenstraat Punda, nr. telefòn 465- 8053
– Otrobanda, Breedestraat 171. nr. telefòn 462- 4500
– Sta Maria, Jan Noorduynweg s/n, nr. di telefòn 869- 6660
– Brievengat, Kaya John Monsanto s/n, nr. di telefòn 7367500
Klientenan di Kas di Bario Bandariba por entregá petishon na Kas di Bario Punda.
Klientenan di Kas di Bario Dokterstuin por entregá petishon na Kas di Bario Otrobanda.
Ultimo dia pa entregá petishon i hasi keho relashoná ku sèn pa paña di skol ta dia 11 òktober 2019.
Minister di Desaroyo Sosial, Labor i Bienestar, Señor Hensley Koeiman
