Partido MAN a tuma nota, ku Sekretario di Estado pa Asuntunan di Reino sr. Raymond Knops, a skohe pa sigui e konseho di Komishon di Supervishon finansiero (CFT), pa duna un instrukshon na Gobièrnu di Kòrsou i pone esaki riba agènda di Konseho di Minister di Reino, pa keda tratá djabièrnè awor 14 di yüni.

Partido MAN a tuma nota, ku Sekretario di Estado pa Asuntunan di Reino sr. Raymond Knops, a skohe pa sigui e konseho di Komishon di Supervishon finansiero (CFT), pa duna un instrukshon na Gobièrnu di Kòrsou i pone esaki riba agènda di Konseho di Minister di Reino, pa keda tratá djabièrnè awor 14 di yüni.

Sr. Knops a bai asta mas leu ainda ku e konseho di CFT, dor di limitá e periodo pa kumplimentu ku e kompromisonan finansiero di país Kòrsou i tambe e periodo pa yega na un presupuesto balansá.

Partido MAN a tuma nota ku Minister Kenneth Gijsbertha a splika bon klá, tur e esfuersonan ku ela hasi pa kumpli ku e sugerensianan ku CFT a presentá. Minister Gijsbertha a splika tambe, e sirkunstanshanan ekstra-ordinario den kua Kòrsou a haña su mes i e faktornan eksterno, riba kua nos pais no tin influensha, pero ku sí tin un impakto negativo signifikante riba nos ekonomía i nos situashon sosial, manera e.o. e situashon polítiko, ekonómiko i sosial na Venezuela i tambe e desishon unilateral pa sera fronteranan ku Kòrsou. Ademas e sankshonnan imponé pa Merka riba Venezuela i PDVSA, tin un efekto enorme riba nos refinería i su operashon.

Pa tal motibu partido MAN ta sostené minister Kenneth Gijsbertha den su desishon pa forma parti di e delegashon ministerial ku ta biaha pa Hulanda, pa bai splika Konseho di Minister di Reino, ku NO tin espasio pa un instrukshon, ku lo hinka Kòrsou den un deterioro ekonomiko i sosial.
Konseho di Minister di Reino mester komprendé, ku Kòrsou ta éksigí pa nan tene kuenta ku nos derecho sagrado di eksistensia.
Ta inakseptabel ku ke obligá nos Gobièrnu pa hinka Pueblo di Kòrsou den un debakel sosial i marginá posibilidatnan pa desaroyo duradero.

Tantu IMF, Raad van State i Ekspertonan renombrá riba tereno di maneho finansiero a indiká bon klá ku e konsehi di CFT ta irealistiko i lo ta devastador pa ekonomía di Kòrsou i situashon sosial.
Nos Parlamentu den representashon di Pueblo di Kòrsou, pa medio di dos moshon sólido, a duna sostén den forma unánime na e posishon ku Gobièrnu a tuma i a úrgi Gobièrnu pa bai Hulanda i pone e posishon di Kòrsou bon klá riba mesa.

Partido MAN ta deseá minister Kenneth Gijsbertha i su koleganan den e delegashon ministerial, hopi forsa di konvikshon, pa defendé ku tur medio na nan disposishon, e derecho sagrado di eksistensia di Pueblo di Kòrsou i pa krea posibilidatnan pa yega na desaroyo duradero.

Direktiva di partido MAN

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: