Kaso di hinkamentu.

KOMUNIKADO DI PRENSA
229 / 2019
13 yüni 2019
Kaso di hinkamentu.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djaweps 13 di yüni 2019 alrededor di 13.13’or, Sentral di Polis a risibí notifikashon di un
kaso di hinkamentu ku a tuma lugá den área di Santo Domingoweg.
Mesora a dirigí un unidat na e sitio i na su yegada, polis a topa ku un hòmber drumi abou
dilanti un toko tur na sanger.
Ambulans ku a presentá na e sitio, a transportá e hòmber víktima pa poliklínika di SEHOS pa
tratamentu médiko.
For di investigashon ku polis a realisá na e sitio a resultá ku tabatin un bringamentu entre
dos hòmber ku a terminá den hinkamentu di e víktima ku probablemente un sker na altura
di su orea. Despues di e akto e sospechoso a bai for di e sitio. Na e sitio polis a konfiská un
outo ku tantu paden komo pafo tabata na sanger.
Investigashon den e kaso aki ta kontinuá.