Blenchi Skol a terminá nan Práktiko Kulinario eksitoso

Blenchi Skol a terminá nan Práktiko Kulinario eksitoso

 

Dianan 07 i 11 di yüni último, e grupo ku ta bai sigui nan estudio na un skol avansá (A.G.O) di Blenchi Skol, a tene nan eksamen práktiko di kushina. Mitar di e klas tabata djabièrnè dia 7 di yüni i e otro mitar  djamars dia 11 di yüni.

Riba e dianan menshoná, e alumnonan a hasi e parti di “mis en plas” (preparashon) i despues nan ta tuma un pouze i regresá mas atardi pa kuminsá kushina. E alumnonan a traha den grupo di dos. Nan a prepará un plato prinsipal i un pasaboka. E alumnonan a wòrdu evaluá riba e siguiente áreanan:

– konosementu di produkto

– téknika di kòrta

– téknika di kushina

– presentashon di plato

– smak

– higiena

Kada alumno a invitá dos persona, pa presensia nan “arte” riba tayo i biba e momento di alegria i perseveransha. Bou di guia di nan maestra  yùfrou Liseth nan maestro kulinario mener Malcolm a logra di “enkontra e “tesoronan” presioso di kada un di e alumnonan: AMOR i PASHON pa loke nan ta hasi ku nan man.

Henter e tim di Blenchi Skol ta sumamente orguyoso di e alumnonan aki i ke deseá nan hopi éksito den e siguiente etapa di nan bida.

Riba e fotonan por apresiá e momentonan di nan eksamen.

 

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: