KÒRSOU TA RUMBO PA GOLD CUP 2019 KAMINDA NOS LO MIRA AKSHON DIANAN 17, 21 I 25 DI YÜNI PRÓKSIMO!

REDAKSHON June 14, 2019 0 Comments

KÒRSOU TA RUMBO PA GOLD CUP 2019 KAMINDA NOS LO MIRA AKSHON

DIANAN 17, 21 I 25 DI YÜNI PRÓKSIMO!

Despues ku nos selekshon nashonal a titulá kampion di King’s Cup 2019 aya na Thailand, nan ta rumbo pa Jamaica pa nos promé enkuentro di Gold Cup 2019. Awe, 13 di yüni, pa 6:20 di mainta nos hungadónan residensiá na Kòrsou a sali pa Miami pa sigui biaha bai Jamaica miéntras esnan di Hulanda lo biaha pa Jamaica via Atlanta pa enfrentá El Salvador dia 17 di yüni próksimo. Despues di e promé partido aki nos lo mester biaha bai Merka pa hunga nos segundo i terser partido di e promé buèlta di Gold Cup 2019.

Lo tin un total di 16 pais ku ta kompetí den Gold Cup 2019 i esaki nan a keda repartí den 4 grupo (A, B, C ku D) ku ta konsistí di 4 pais. Nos a kai den grupo C huntu ku Honduras, Jamaica i El Salvador.

E siguiente ekiponan ta den e 4 gruponan di Gold Cup 2019;

Grupo A: Mexico, Canada, Martinique ku Cuba

Grupo B: Costa Rica, Haiti, Nicaragua ku Bermuda

Grupo C: Honduras, Jamaica, El Salvador ku Kòrsou

Grupo D: Merka, Panama, Trinidad & Tobago ku Guyana

Gold Cup 2019 lo tuma lugá den luna di yüni te yüli di e aña aki den diferente stadion na Merka, na Costa Rica i tambe na Jamaica.

Skema di nos weganan:

Fecha	Orario	Tim A	Tim B	Stadion
17 yüni 19	7:00 PM	Kòrsou	El Salvador	Independence Park Kingston (Jamaica)
21 yüni 19	9:30 PM	Honduras	Kòrsou	BBVA Compass Stadium Houston (Merka)
25 yüni 19	8:00 PM	Jamaica	Kòrsou	Bank Of California Stadium Los Angeles (Merka)

Despues di e 3 partidonan aki nos lo sa si nos a klasifiká pa e segundo buèlta di Gold Cup 2019.

E siguiente hungadónan ta forma parti di nos selekshon ku lo mira akshon durante Gold Cup 2019;

Eloy Room (PSV)
Zeus de la Paz (Oldham Athletic)
Shanon ‘Cheese’ Carmelia (Ijsselmeervogels)
Elson ‘Sontje’ Hooi (Ado Denhaag)
Leandro Bacuna (Cardiff)
Michaël Maria (Charlotte Independence)
Rhu-Endly ‘Cuco’ Martina (Everton)
Ayrton Statie (Fc Lienden)
Gevaro Nepomuceno (Oldham Athletic)
Darryl Lachman (PEC Zwolle)
Jarchino Antonia (Limassol)
Roly Bonivacia (Sydney Wanderers)
Shermaine Martina (MVV)
Shermar Martina (MVV)
Charlison Benschop (Fc Ingolstadt)
Jimbertson Vapor (Scherpenheuvel)
Jarzinho Pieter (Vesta)
Gersinio Constansia (Jong Holland)
Jurich Carolina (Fc Den Bosch)
Jafar Arias (MVV)
Gino van Kessel (Roeselare)
Juriën Gaari (RKC)
Kenji Gorré (G.D. Estoril Praia)

Lamentabelmente Gervane Kastaneer a sufri un leshon i lo no por partisipá mas ku nos selekshon den Gold Cup. Na su lugá e hungadó Kenji Gorré a djòin nos selekshon i ta kla pa saka kara di Kòrsou den Gold Cup 2019. Kenji Gorré ta un hoben di 24 aña kende ta yu di e ex futbolista profeshonal Dean Gorré. Kenji a militá den diferente ekipo hubenil renombrá manera; Manchester United, Manchester City, Ado Den Haag i algun mas. Aktualmente e ta militá den e ekipo portugues G.D. Estoril Praia i awor e tambe ta formando parti di nos selekshon nashonal.

FFK i e hungadónan ta konta ku e sosten di hinter nos komunidat pa e kompromisonan importante aki ku nos tin na kaminda!

Kòrda ku huntu, nos ta 12!