Ta hasi un petishon na tur doño di Bus, Taksi i Tourwagen pa nan dokumento nan ta na Òrdu!

Willemstad – Minister Zita Jesus Leito huntu ku Servisio pa Transporte Públiko (VV) ta hasi un yamada na tur doño di pèrmit di Taksi, Bus i Tourwagen pa nan tin tur nan dokumento di nan vehíkulo na òrdu.

Den kuadro di halsa seguridat pa tur pasaheronan di taksi, bus i tambe tourwagen ta hasi un petishon na tur doño di pèrmit i tambe na tur shofùr ouksiliar pa kontrolá tur dokumento di e vehíkulo i si tin mester buta esaki nan na òrdu.

Servisio pa Transporte Públiko ta rekòrdá tur doño di pèrmit di Bus, Taksi i Tourwagen ku ke hasi un petishon pa otorgamentu i, prolongashon di pèrmit, eksonerashon i petishon pa un karchi pa shofùr ouksiliar, pa traha un sita na VV. Tambe na tur doño di pèrmit di Taksi, Bus i Tourwagen, ku nan karchi a kaduká den aña 2018, i ku a hasi petishon pa prolongashon di nan pèrmit òf ku no a hasi esaki, mester yama pa traha un sita. Kada doño di pèrmit i eksonerashon òf karchi pa shofùr ouksiliar ta responsabel pa hasi petishon pa un karchi òf eksonerashon nobo na tempu. Si e petishon no yega na tempu (6 luna adelantá ta rekomendabel) e persona aki lo mester asumí e konsekuenshanan ku esaki lo por trese kuné.

Pa traha sita por yama na number di telefon 839-2149 òf 839-2073. Na momento ku presentá na e sita mester bin ku i e petishon, i un di e pèrmit, reibeweis válido, dokumentonan di seguro, keuringskaart válido, deklarashon di Ontvanger pa ku ingreso, deklarashon di komportashon (Verklaring Omtrent Gedrag) válido .

Servisio di Transporte Públiko ta hasi un petishon na tur doño di pèrmit di Bus, Taksi i Tourwagen pa nan tin tur nan dokumentonan na òrdu manera lei ta deskribí. Si tin dokumentonan ku mester koregí, sea asina bon di yama i traha un sita pa por pone tur dokumento na òrdu. Di e manera aki nos por brinda seguridat na tur nos pasaheronan.